Ahal Duguk uste du 'aberria' 'nortasun nazionaletik' harago doala
Lander Martinez Ahal Duguko antolakuntza idazkariak eta alderdiak Eusko Legebiltzarrean duen bozeramaileak esan duenez, "aberria" "nortasun nazional" batetik harago doan kontzeptua da, eta "pertsona guztiak" bildu behar dituela, nahiz eta ez identifikatu ikur guztiekin. Era berean, kontzeptu horren inguruan hausnartzeko apostua egin nahi duela berretsi du, "Euskadin dugun bake eta bizikidetza giro berriak ematen duen baretasunetik eta lasaitasunetik".
Ahal Dugu da Aberri Eguna ospatzen duten alderdietatik abertzalea ez den bakarra. "Aberria" kontzeptuari buruzko tailerrak eta mahai-inguruak antolatu dituzte. Bihar, igandea, 12:00etatik aurrera, Nagua Alba alderdiko idazkari nagusiak eta Bernardo Atxaga idazleak "Zer da zuretzat aberria?" izeneko solasaldian hartuko dute parte.
Europa Press agentziak egindako elkarrizketa batean esandakoaren arabera, "aberria ez dela dimentsio bakarreko sentimendua" proposatu nahi du alderdi moreak "Aberri Eguna /Patria abierta" lemapean. Izan ere, "guztiak batu" ditzakeen kontzeptu zabalagoa dela defendatu du Martinezek, ez soilik lurraldetasunarekin zerikusia duen sentimendu zehatza?.
"Guk beti esan dugu gure aberria jendea dela. Ulertzen eta ospatzen dugu aberria edo jendea anitza dela, gizona dela, emakumea dela, txiroak direla, migratu behar izan dutenak direla edo bizitza osoa hemen daramatenak direla", gaineratu du.
Hori dela eta, Martinezen aburuz, "aberria ez dela nortasun nazional batera mugatzen" azpimarratu du. "Ez da sentimendu nazional baten ospakizuna lurralde batean. Herrialde honek dituen behar sozialei lehentasuna emanez ere defenda daiteke aberria; inguruan dituzun pertsonen bizitza nola hobe daitekeen pentsatzea ere aberria da".
Zure interesekoa izan daiteke
Nafarroan euskara berezko hizkuntza izatearen aldeko apustua berretsi du Chivitek, zonifikazioa mantenduta
Foru Hobekuntzaren Legea eguneratzeko batzordean, Nafarroako presidenteak azpimarratu du “egokia” litzatekeela lege horren 9. artikulua aldatzea.
Justizia sailburuak botere publikoek eragindako torturaren biktimen egiaren, justiziaren eta duintasunaren alde lan egiteko deia egin du Legebiltzarrean
Maria Jesus San Jose Justizia sailburuak tortura botere gehiegikeria izan zela esan du, eta erabat gaitzetsi du. Horren hitzetan, Ebaluazio Batzordeak 183 biktima aitortu ditu ofizialki. Egiari Zor eta Berridatzi biktimen elkarteak ere izan dira Legebiltzarrean, eta biktimen aitortza eskaerak aurkezteko epeak zabaldu eta 1960tik gaurdainoko kasuak aitortzeko eskatu dute.
Ertzain bat txosnetatik kanporatu dute Hernanin; "zein zen bere bekatua?", galdetu du Zupiriak
Aste honetan gertatu da, Bingen Zupiria Segurtasun sailburuak jakinarazi duenez.
Bengoetxeak, ETSri emandako laguntzari buruz: “Arrakasta kulturala lagundu behar da, eta ez zigortu”
Ibone Bengoetxea Eusko Jaurlaritzako Kultura sailburuak ETS talde arabarrari emandako dirulaguntzak babestu ditu, ehundik gora musikarik zalantzan jarri ostean. Horren hitzetan, "arrakasta kulturala ez da zigortu behar, lagundu baizik". Horrela erantzun dio sailburuak Jon Hernandez Sumarreko legebiltzarkideak Eusko Legebiltzarreko kontrol saioan egin dion galderari.
Rosa Martinezek eta Veronica Martinez Barberok Sumar alderdia zuzentzeko hautagaitza bateratua aurkeztuko dute
Bustinduyren konfiantzako Estatu idazkariak eta Sumarrek Kongresuan duen bozeramaileak alderdia gidatzeko asmoa dutela iragarri dute.
Loiuko aireportua Agirre Lehendakaria Aireportua izendatzea proposatu du EH Bilduk
Loiuko aireportuari Jose Antonio Agirre lehendakariaren izena jartzea proposatu du EH Bilduk. Imanol Pradales lehendakariak erantzun dio aztertu egingo dutela proposamena.
Estatutua bete eta "beste fase bat" irekitzeko eskatu dio Pradalesek Sanchezi
Pradales lehendakariak mezu argia igorri dio Espainiako Gobernuari eta Pedro Sanchez presidenteari Eusko Legebiltzarrean. Pradalesen esanetan, "asko dago oraindik egiteko", eta "maila handiko negoziazioa eta erritmoa" behar dira orain. Lehendakariaren arabera, "adostutako guztia bete behar da konfiantza politikoa mantentzeko". Pradalesek gogorarazi du Sanchez presidenteak "irmotasuna" erakutsi duela karguan jarraitzeko, eta horri lotuta eskatu dio "irmotasun bera" Gernikako Estatutua behin betiko betetzeko.
Diez Antxustegi: “Lortu dugun akordioaren arrazoi nagusia da euskara zentrala dela guretzat”
EAJk Eusko Legebiltzarrean duen bozeramailea, Joseba Diez Antxustegi, Euskadi Irratiko "Faktoria" saioan izan da, eta euskarari Administrazioan segurtasun juridikoa emateko akordioren nondik norakoak azaldu ditu. Horren hitzetan, Enplegu Publikoaren Legea aldatzeko ados jarri dira EH Bildurekin, bere bazkidea den PSE-EE alde batera utzita, euskara “gai zentrala” delako EAJrentzat. Horrela, EH Bildurekin antzeko beste akordio batzuk adosteko aukeraz galdetuta esan duenez, "ez nuke aurreikuspenik elikatuko, euskara gai berezia delako”.
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.
Adin txikikoei zezen-ikuskizunetan parte hartzeko aukera emango dien legea onartu du Legebiltzarrak
Ganaduzaleek araua txalotu duten bitartean, talde animalistek esan dute "atzerapausoa" dela eta aurreratu dute auzitara joko dutela.