Javier Lopez Madrid OHLko kontseilaria atxilotu dute
Guardia Zibilak Javier Lopez Madrid OHL eraikuntza enpresako kontseilari eta Juan Miguel Villar Mir presidentearen suhia atxilotu du Lezo operazioaren baitan. Aipaturiko operazioan, hainbat pertsona atxilotu dituzte, Ignacio Gonzalez Madrilgo Erkidegoko presidente ohia tartean. Lopez Madrid Londresetik bueltan zetorrela atxilotu dute, eta Guardia Zibilak Tres Cantosen duen komandantziara eraman dute.
Ikerketaren iturriek jakinarazi dutenez, Lopez Madrid Erresuma Batuko hiriburuan zegoen atzo, OHLren egoitza miatu zutenean, baina Lezo operazioaren barruan bera ikertzen ari zirela jakin zuenean, Madrilera itzuli zen.
Eloy Velasco Auzitegi Nazionaleko epaileak agindu du atxiloketa, hain zuzen ere, Lopez Madridek Ignacio Gonzalezi 1,4 milioi euroko komisioa ordaindu izanaren zantzuak dituelako.
Mostoles eta Navalcarnero udalerrien artean egitekoa zen tren proiektuaren esleipenaren truke egin ei zion ordainketa hori. Atzo, Guardia Zibilak informazioa galdegin zien OHL, Indra, Saerco, Licuas eta PwC enpresei.
OHLk ohar baten bidez adierazi zuenez, lizitazio, esleipen eta kontratazio prozesu guztiak gardentasunez eta legearen arabera egin dituzte.
Horren arabera, OHLk ez dio inoiz komisiorik ordaindu alderdi politiko bati, eta enpresa agintari judizialekin eta Poliziarekin kolaboratzeko prest dagoela gaineratu du.
Juan Miguel Villar Mir buru duen enpresak azpimarratu duenez, ustelkeriaren aurrean "zero tolerantzia" politika du, eta "orain arte" ez dute inoiz delitu horrengatik zigortu.
gortu.
Zure interesekoa izan daiteke
Aragoiko parte-hartzea % 40,26koa izan da 14:00etan
Jarduneko gobernu autonomikoak parte-hartzearen inguruan emandako lehen datuen arabera, 107.040 aragoiarrek eman dute botoa lehen bi orduetan. Hautagai gehienek ere eman dute botoa, eta denek egin dute hauteslekuetara joateko deia.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.