Picassoren 'Guernica' Euskal Herrira ekartzea eskatu du Legebiltzarrak
Eusko Legebiltzarrak, EAJ eta EH Bildu alderdien aldeko botoekin, Picassoren "Guernica" margolana Euskal Herrira (Gernikara, hain zuzen ere) ekartzeko legez besteko proposamena onartu du gaur, Gernikako Bonbardaketa izan zela 80 urte bete diren egunaren biharamunean. Horrez gain, behin betiko ekarri ezin badaiteke, Bilboko museoren batean aldi baterako ikusgai egon dadila eskatu dute.
PP eta PSE-EEk eskaeraren aurkako boza eman dute. Azken horren Eusko Jaurlaritzan bere bazkide den EAJtik aldendu da, eta margolanaren balizko lekualdatzea txosten teknikoen esku utzi du. Elkarrekin Podemos, bere aldetik, abstenitu egin da.
Gaurkoa ez da Gasteizko Ganberak margolan hori Euskal Herrira ekartzeko eskatzen duen lehen aldia. 2010ean, Legebiltzarrak "Guernica"ren ezaugarriak azter zitzala eskatu zion orduko Espainiako Gobernuari, margolana aldi baterako Euskal Herrian ikusgai egon izan zedin.
2012an, Donostiako Udalak adierazpen bat onartu zuen San Telmo musean ikusgai egon zedin 2016ko Kultura Hiriburutartasunaren harira.
Oraingo honetan, EH Bilduk aurkeztu eskaria EAJk ere babestu duen legez besteko proposamen baten bidez.
Hartara, Eusko Legebiltzarrak Picassok margotu zuen "Guernica" koadroa Gernikara lekualdatzeko eskatu dio Espainiako Gobernuari eta Kultura Ministerioari. Halaber, Eusko Jaurlaritzari ere zuzendu zaio, margolan hori Bizkaiko herri horretan ikusgai egon dadin beharrezkoak diren urratsak eman ditzan.
EAJk zuzenketa bat erantsi dio proposamenari, EH Bilduk babestu duena. Horren arabera, Gernikara behin betiko ekarri ezin badaiteke, 2010ean egindako eskaria errepikatu dute, hots, aldi baterako ikusgai egon ahal izatea Bilboko museoren batean.
"Azken lekualdatzea, azken bidaia eskatzen ari gara", nabarmendu du Jasone Agirre EH Bilduko legebiltzarkideak. Bere aburuz, margolana Gernikan egongo balitz, biderkatu egingo litzateke koadroak duen salaketa indarra.
Amaia Betolaza EAJko kideak esan duenez, ez dago gaindi ezin daitekeen erronka teknikorik; aldiz, aztertu eta negoziatu beharreko erabaki politiko bat dela esan du.
Elkarrekin Podemoseko Jon Hernadezen esanetan, Gernika lekua egokia litzateke margola erakusteko, baina baita Madril edo Bartzelona ere. Bere aburuz, garrantzitsuena ez da non, baizik eta nola eta zer, eta alderdi teknikoak aipatu ditu lekualdatze eskarian abstentzioa emateko.
Bere aldetik, Rafaela Romero legebiltzarkide sozialistak baieztatu duenez, PSE-EE ez dago balizko lekualdatze baten kontra, baina nabarmendu duenez, edozein akordio irizpide teknikoetan oinarritu behar da. Aldi berean, koadroa guztion ondarea dela adierazi du, eta "memoria baztertzailerik" ez egiteko eskatu du.
Azkenik, Carmelo Barrio PPko kideak sozialistek erabili duten argudio tekniko bera erabili du, eta EH Bilduri Gernikaren memoria "eskuztatzea, manipulatzea, zikintzea eta gatazkaren ikur bihurtzea" leporatu dio, "bizikidetzaren, bakearen eta anaitzearen ikur bilakatu ordez".
ilakatu ordez".Zure interesekoa izan daiteke
Valcalderan fusilatutakoak omendu dituzte Iruñean eta Cadreitan, 90 urte betetzen direnean
1936an, agintari militarrek 52 preso errepublikano atera zituzten Iruñeko kartzelatik, askatuko zituztelako aitzakian, baina hil egin zituzten. Bederatzi hamarkada geroago, ez dakite non dauden haien gorpuzkiak.
Eusko Jaurlaritzak ostegunean hasiko du urte politiko berria
Besteak beste, etxebizitzaren prezioak, Osakidetzako itxaron-zerrendek, transferentziek eta erreforma fiskalak markatuko dute agertoki politikoa udazkenean.
Ceutan konfinamendua ezartzeko eskatu dio Feijook Sanchezi "osasun arriskuagatik"
Alberto Nuñez Feijoo PPko buruak Ceutan konfinamendua ezartzeko eskatu dio Pedro Sanchez Espainiako Gobernuko presidenteari, uztailaren amaieran migratzaileak masiboki sartu ostean atzeman diren gaixotasun infekzioso eta kutsakorrak direla eta. Horren hitzetan, sarna eta tuberkulosi kasuak daude eta "osasun-arriskua" dago.
Bizirik dauden migratzaileak eta hildakoen gorpuak aberriratzeko eskatu dio Marokok Espainiari
Marokoko Justizia ministroak Espainiarekin akordio bat sinatzeko eskatu du, eta ziurtatu du Maroko prest dagoela autobusak Ceutara bidaltzeko, bizirik dauden migatzaileak hartzeko.
Gorenak atzera bota du ministroak abuztuan Senatuan agertzera behartzeko PPk egindako premiazko eskaera, Ceutako krisia dela eta
Nuñez Feijook Gobernuari eskatu dio baimena eman diezaiola Felipe VI.ari hiri autonomoa bisitatzeko, erregeak “Ceutara joan nahi duelako hala dagokiolako”.
Espainiako Gobernuak uste du posible dela 500 neska Penintsulara eramatea "aste gutxi barru"
Gazteria eta Haurtzaro arloak adierazi du astebete daramala gai honetan lanean Ceutako agintariekin, eta proposamen zehatz bat egingo duela.
Irunen hegoaldeko erronda, saihesbidea eta AP-8 autobidean 3. erreia egiteko beharra defendatu du Labordak
Radio Euskadiko "Boulevard" saioan Cristina Laborda Irungo alkateak esan duenez, urteak behar dira errepideak egiteko, eta erabaki batzuk duela 20 urte hartu behar izan zirela kritikatu du.
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.