Bi hileko bizi itxaropena izan arte Espainiak ez du preso gaixorik askatuko
Espainiako Gobernuaren aburuz, larriki gaixo dauden presoak espetxetik ateratzeko "presoaren heriotza gertatzeko arrazoizko ziurtasuna bi hilabete baino gutxiagokoa" izan behar da.
Hala jasotzen da Gobernu espainiarrak Jon Iñarritu EH Bilduko senatariari, hark egindako galdera baten harira, idatziz bidali dion erantzun batean.
Izan ere, Espainiako Espetxeetako Zuzendaritzak otsailean emandako jarraibide bati buruz galde egin zuen Iñarrituk. Jarraibide horren arabera, gaixo dauden presoak bakarrik atera daitezke espetxetik "haien heriotza, arrazoizko ziurtasunaz, oso epe motzean gertatuko dela aurreikusten denean, edota hirugarren gradua edo baldintzapeko askatasuna izateko baldintzak betetzen dituztenean".
Horren aurrean, agindu horren gainean argibideak eman zitzala eskatu zion Gobernuari Iñarrituk, eta hark aste honetan bertan erantzun dio. Bertan jasotzen denez, jarraibidearen xedea Zigor Kodearen araudi berrira egokitzea da. Araudi horretan esaten denaren arabera, "mediku txosten batean oinarritutako epaile baten erabakia behar da beren bizi itxaropenerako arrisku nabaria eragiten duten gaixotasunak dituzten presoak espetxetik berehala ateratzeko".
Horrenbestez, Kodera egokitzeko xedearekin, Rajoyk zuzentzen duen Exekutiboak honako hauxe ezarri du: "Presoen bizi itxaropenerako arrisku nabaria eragiten duten gaixotasunen kasuetan (edota presoa oso adindua den kasuetan) nahikoa litzateke dagokion mediku txostena eta arriskugarritasun ezaren balioespena aurkeztea", epailearen baimenarekin batera.
Jarraian, bizi itxaropenerako arrisku nabaritzat zer hartzen den zehazten du gutunak: "Adierazi behar da bizi itxaropenerako arrisku nabaritzat hartzen dela presoaren heriotza gertatzeko arrazoizko ziurtasuna bi hilabete baino gutxiagokoa denean".
Gobernuak bere erantzunean gogora dakarrenez, "preso bakoitzaren egoera, momentu oro, banaka aztertzen da". Gaixoei aplikatzen zaizkien irizpideak mediku ziurtagirietan oinarritzen direla eta "inolaz ere irizpide subjektiboetan", eransten du gutunean.
Erantzuna jaso ondoren, EH Bilduko senatariak Twitterren argitaratu du gutunaren kopia, eta irizpide horiekin bat ez datorrela eman du aditzera. "Sadismoa?", "Mendekua?, galdetu dio bere buruari Iñarrituk.
Zure interesekoa izan daiteke
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.
Itxasok lehendakaria kritikatu du “proiekturik gabeko etxebizitzak” iragartzeagatik
Kritikak kritika, Etxebizitza sailburuak esan du EAJ-PSE koalizio-gobernua "funtzionatzen" ari dela eta legealdi honetan atzean geratu direla etxebizitza-politikan iraganean izandako "desadostasun handiak".