Memoria historikoarekiko konpromisoa berretsi du Foru Gobernuak Gursen
Deportazioaren Biktimen eta Heroien Eguna Nazionala ospatu dute gaur Oloroe eta Gurs Iparraldeko udalerrietan, eta horren harira 'Terres de Mémoires et de Luttes' elkarteak prestatutako ekitaldietan parte hartu du Nafarroako Gobernuak, Ana Ollo Foru Gobernuko Herritarren eta Erakundeen Harremanetarako kontseilaria bertara bidalita.
Izan ere, Gurseko errefuxiatu-esparruan preso egondako 500 nafar baino gehiago omendu nahi izan dituzte, eta Foru Gobernuak "oroimen historikoarekiko duen konpromisoa" berretsi egin du.
Omenaldia dela eta, lehen aldiz bildu dira Gurseko esparruaren presoen jatorrizko herrialdeen agintariak.
Ana Ollo kontseilariak azaldu duenez, Gursen "500 errefuxiatu nafar baino gehiago izan ziren, giltzapean egondakoak, eskubide mugatuekin, janari gutxirekin eta zaintzapean. Inork ulertzen ez zuen estutasunak pairatu zituzten, are ulergaitzago jakinda askatasunaren alde borrokatzen denbora zeramatela".
Ollok gaineratu duenez, "Gursen jazotakoa gazteentzako irakaspena izatea espero dugu, oroimen kritikotik, giza eskubideen errespetuan eta bake- eta elkarbizitza-kulturan oinarritutako gizartea eraikitzeko".
6.500 euskal herritar baino gehiago Gursen
Errepresio frankistak bultzatuta eta Gerra Zibila hasi zenetik, Errepublikaren aldeko 500.000 herritar inguru exiliatu behar izan ziren, eta errefuxiatu-esparrutan sartu zituzten. Horietako bat Gursekoa izan zen, Frantzia hegoaldeko handiena. 1939ko martxoa eta apirila bitartean eraiki zuten, eta 1945ko abenduaren 31ean itxi.
Espainiako Gerra Zibilaren eta Bigarren Mundu Gerraren artean 60.559 errefuxiatu hartu zituen Gurseko esparruak: 25.577 errepublikazale espainiar ziren, eta horietatik 6.555 Euskal Herrikoak.
Zure interesekoa izan daiteke
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.