EAren sektore kritikoak proiektua aurkeztu eta hautagaitza osatuko du
Pello Urizarrek gidatzen duen Eusko Alkartasunaren zuzendaritzarekin bat egiten ez duen sektore kritikoko kideek proiektua aurkeztu dute Bilbon. Datozen urteotan alderdia gidatuko duen talderik onena eraikitzeko militantziaren laguntza izango dutela berretsi dute.
EAko hogeita hamar bat kargu publikok hartu dute parte ekitaldian: Maiorga Ramirez, Koldo Amezketa eta Miren Aranoa nafarrez gain, Unai Ziarreta alderdiko presidente ohia eta Pablo Isasi Amurrioko alkate ohia ere izan dira, besteak beste.
Iratxe Lopez de Aberasturi zinegotzi gasteiztarra da kolektiboaren bozeramailea, eta EAn "ziklo berria” abiatu nahi dutela azpimarratu du, "gardentasunean, parte hartzean eta barne demokrazian oinarrituta". Horiek dira, hain zuzen ere, gaur egungo zuzendaritzari ikusi dizkioten gabeziak, batez ere EH Bildu koalizioaren erreformari buruz erabakitzerakoan.
Lopez de Aberasturik nabarmendu egin du EH Bildurekin duten konpromiso garbia, tresna bakarra baita gehiengo subiranoa eta ezkertiarra osatzeko, koalizioko lau alderdiek (EA, Sortu, Aralar eta Alternatiba) ordezkatzen duten "aniztasuna" mantenduz.
"Ehunka militantek" babesten duten sektorearen oinarrizko dokumentua aurkeztu dute Bilboko ekitaldian. Dena den, aldaketak izan ditzakeela esan dute, militanteek egingo dituzten eztabaidek utzitako ekarpenekin.
Testuan azpimarratu dutenaren arabera, idazkari nagusia aukeratzeko barne hauteskundeak defendatu dituzte. Horrez gain, alderdiko liberatuak hautaketa ireki baten bidez aukeratu nahi dituzte, bi agintaldiko muga ezarri, eta EH Bilduko zerrendetan parte hartuko duten EAko hautagaiak izendatzeko lurraldekako zerrenda irekiak osatzeaz gain. Aldi berean, erabaki "esanguratsuak" hartzeko militanteei kontsulta egiteko beharra berretsi dute, baita hauteskunde programak eta gobernu koalizioak adosteko ere.
Zure interesekoa izan daiteke
Makroeskualde Atlantikoaren sorrerarako urratsak ematea eskatuko dute 27ek
Europar Batasuneko gobernuburuak Bruselan bilduko dira gaur urteko azken goi-bileran, Ukrainari finantza-laguntza emateko, baina ondorioen zirriborroak Euskal Herriarentzat interes berezia duen puntu bat jasotzen du: Europako Batzordeari Makroeskualde Atlantikoa sortzea eskatuko diote.
Melgosak egiturazko plan bat eskatu dio Sanchezi migrazioaren erronkari heltzeko, populismoaren aurrean
Ongizate sailburuak diskurtso populisten arriskuaz ohartarazi du, baldin eta integrazioan oinarritutako estrategia komun, ordenatu bat bultzatzen ez bada.
Osakidetza hobetzeko proposamenei "oztoporik ez" jartzeko eskatu dio Pradalesek Osasun Ministerioari
Imanol Pradales lehendakariak Espainiako Gobernuko Osasun Ministerioari eskatu dio Eusko Jaurlaritza Osakidetzaren egoera hobetzeko egiten ari den proposamenak "entzuteko", eta, "gutxienez, oztoporik ez jartzeko". "Osasun Ministerioari exijitu nahi diot entzun dezala, eta egiten utz dezala", esan du.
Podemos prest dago Sumarrekin, IUrekin eta EH Bilduren aliantzak egiteko, Kongresuan hala erabakitzen badute
Gainera, Richar Vaquero Podemos Euskadiren koordinatzaile nagusiak adierazi duenez, "aurrera egingo dute" Gasteizko aurrekontuarekin, EAJrekin eta PSE-EErekin negoziatzen ari diren bitartean proposamen "interesgarriak" egiten bazaizkie.
Donostiako Udaltzaingoa taser pistolak erabiltzen hasiko da 2026an
Udaltzaingoak bost taser pistola izango ditu guztira, bat txanda bakoitzeko, eta bost agente gailu horiek erabiltzeko prestakuntza jasotzen ari dira.
Pradalesek Osasun Ministerioari eskatu dio ez dezala "harririk jarri euskal osasun sistemaren hobekuntza oztopatzeko"
2025-2032 planak ospitaleetako "osasun zentro txikienetik puntako teknologiara" doazen inbertsioak aurreikusten dituela defendatu du.
Fiskaltzak ez du Errejonentzat zigorrik eskatuko Mouliaak salatutako sexu-erasoengatik, eta auzia artxibatzearen alde egin du
Adolfo Carretero epaileak Sumarren bozeramaile ohia Mouliaa aktorearen aurkako sexu-eraso delituagatik auzipetu ostean, Fiskaltzaren esanetan ez dago zantzu nahikorik haren kontrako karguak aurkezteko.
Lander Martinez: "Gobernu honek merezi du"
Asteazken honetan Euskadi Irratian egin dioten elkarrizketan, Espainiako Gobernuak bultzada bat behar duela esan du. Ekin diezaion eskatu dio, Gobernua birmoldatuta eta herritarrei haren lanaren balioa helarazteko estrategia argia zabalduta.
Santos Cerdanek dio "Inkisizioaren pareko" jazarpena jasaten ari dela
Buruzagi ohi sozialistak adierazi du Belateko tunela bikoizteko obraren esleipena, Nafarroan, "garbia eta gardena" izan zela, eta berak ez zuela inolako loturarik izan kontratazio publiko horrekin.
Eusko Jaurlaritzak 1.600 milioi inbertituko ditu 2032ra bitartean Osakidetzako azpiegituretan eta ekipamenduan
Azpiegitura eta Ekipamendu Sanitarioen Programa (2025-2032) “asmo handiko” proiektu gisa aurkeztu du Jaurlaritzak eta helburu du “kalitatea, segurtasuna eta hurbiltasuna” bermatzea osasun-arretan, “bai pazienteak bai osasun-arloko profesionalak ahalik eta ondoen” egon daitezen. Osasun-zentro eta ospitaleak eraiki, handitu edo eraberrituko dira eta ekipamendu eta teknologian inbertsio mardulak egingo dira.