Euskal Herrira hurbiltzeko lanean jarraituko duela esan die EAJk presoei
Presoen sakabanaketarekin bukatzeko eta gaixo daudenen egoerari "giza irtenbide bat" emateko lanean jarraituko dutela berretsi die Andoni Ortuzar EAJren EBBko presidenteak ETAko 90 presori.
Azken asteetan, Espainiako eta Frantziako espetxeetan dauden 90 bat presok gutuna bidali diote EAJren zuzendaritzari. Eskutitz horietan, espetxean duten errealitatea azaltzeaz gainera, sakabanaketak senideei eragiten dizkien eragozpen eta kalteen berri eman diote presoek Ortuzarri. Eskaera zehatz bat ere egin diote: kartzelako sufrimendua behin betiko bukatzeko egin behar duena egin dezala. Hain justu, gutun horiei banan-banan erantzun die buruzagi jeltzaleak.
Erantzunean, EAJk presoen eta senideen egoerarekiko "kezka" duela eta espetxe politikaren aldaketa "aspaldi" eskatu duela adierazi du Ortuzarrek. Orain arte bezala, urruntze politikarekin amaitzeko eta preso gaixoen egoerari giza irtenbide bat emateko lanean jarraitzeko konpromisoa erakutsi du EBBren presidenteak bertan.
Presoek egindako kritikari —duela 30 urte sakabanaketa politika EAJk lagunduta jarri zuela PSOEren gobernuak— erantzunez, Ortuzarrek nabarmendu du jeltzaleek ez dutela "inoiz" dispertsio politika babestu, ezta bultzatu ere.
Presoei eskaera bat ere egin die EAJren buruak: indarkeriaren ondorio kaltegarrien gainean "autokritika" egin dezatela. Keinu hori eginez gero, "euskal gizartearen zati handi batek presoen aldarrikapen ulergarriak" aintzat hartuko lituzkeela uste du Andoni Ortuzarrek.
Sorturen erantzuna
Sortuk Ortuzarri erantzun dio autokritika "modu integralean" egin beharra dagoela, eta "sufrimendua eragin duten guztiek, horren onurak jaso dituzten guztiek eta gatazka honen parte izan diren guztiek" egin beharko luketela, "bake eta bizikidetzan oinarritutako elkartea eraikitzeko". Gainera, EAJri gogorarazi dio "horrenbeste sufrimendu ekarri duen sakabanaketa politika sustatu eta babestu" zuela.
Hala ere, ezker abertzalea "pozik" agertu da EAJk "presoen giza eskubideak errespeta daitezen lan egingo duela publikoki adierazi duelako", baina berretsi du jeltzaleek "hasieratik sustatu eta babestu zutela horrenbeste sufrimendu eragin duen sakabanaketa politika".
"Interes politikoek jarrera aldatzera behartu duten arren, bada garaia sortutako arazoa konpontzeko", azpimarratu du Sortuk, presoen egoera konpontzeak "gizarte osoari mesede" egingo liokeela gaineratu aurretik.
Urkulluk eta Barkosek ere jaso dituzte eskutitzak
Ortuzarri ez ezik, Iñigo Urkullu lehendakariak eta Uxue Barkos Nafarroako presidenteak ere jaso dituzte presoek bidalitako gutunak. Lehendakariak oraindik ez du erabaki zein jarrera hartuko duen horien aurrean.
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua, Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.