Martin Villa atxilotzea eskatu du berriro Servini epaileak
Maria Servini epaile argentinarrak, frankismoko krimenak ikertzen ari den epaileak, Rodolfo Martin Villa ministro ohi espainiarra atxilotzea eskatu du berriro ere, frankismo garaian izandako gizateriaren kontrako krimenen delituengatik galdekatzeko.
Atxilotu behar izan gabe deklaratu ahal izateko baimena eskatu zioten Rodolfo Martin Villaren abokatuek Maria Servini buru duen Buenos Aireseko epaitegiari. Hala ere, epaileak eskaera hori atzera bota zuen Servini epaileak pasa den ekainaren 7an.
Gauzak horrela, Martin Villaren abokatuek helegitea aurkeztu zuten eta oraingoan, uztailaren 13an, epaitegiek aintzat hartu zuten helegitea. Epaitegiaren esanetan, Servini epaileak emandako nazioarteko agindua "oinarririk gabea" da, Espainiako ministro ohiari leporatutako gertaerak ez zituelako modu egokian heldu, ez testuinguruari eta ezta denborari dagokionez.
Epaitegien erabakiaren ondoren, epaile argentinarrak beste ebazpen bat eman du, Martin Villa atxilotzeko arrazoiak 55 orrialdetan azalduz. Serviniren esanetan, homizidio eta gizateriaren aurkako krimen "delitu larriengatik" ari dira Martin Villa ikertzen. Gaineratu duenez, Martin Villa izan zen 1976ko martxoaren 3an Gasteizen bost langile hil eta ehundik gora zauritu zituen polizia karga agindu zuena, eta 1976 eta 1977 artean sei hilketaren ustezko erantzulea da.
Ildo horretan, Espainian "erabateko zigorgabetasuna" nagusi dela salatu du Servinik, haren esanetan, epaitegiek inoiz ez dituzte "1936tik aurrera Espainian gertatutako gizateriaren kontrako hilketak ikertu".
Martin Villak Maria Serviniren aurrean deklaratzeko asmoa agertu izan badu ere, justizia saihesteko 'jarrera tematia' duela salatu du epaile argentinarrak. Izan ere, ez du Martin Villa galdekatzea lortu, balizko auziperatze baterako beharrezko pausoa dena.
Zure interesekoa izan daiteke
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.