Servini epaileak Martin Villa galdekatu nahi du
Maria Servini epaile argentinarrak, frankismoko krimenak ikertzen ari den epaileak, Rodolfo Martin Villa ministro ohi espainiarra galdekatu nahi duela berretsi du, Gasteizen 1976ko martxoaren 3an Poliziak hil zituen bost langileen kasuaren harira.
Prentsaurreko batean azaldu duenez, Argentinako Justiziak eta Gobernuak baimena ematen badiote, Espainiako Estatura joango da Martin Villari eta deklaratzeko prest agertu diren gainerako auzipetuak galdekatzera.
Aurreko urriaren 30ean, Servinik autoa kaleratu zuen diktadura garaiko krimenengatik 20 lagunen atxiloketa agintzeko, Martin Villa eta Jose Utrera Molina ministro ohiak tarteko.
Hala ere, Interpolek galarazi egin zituen agindu horiek, Espainiak eskatuta. Horren aurrean, Martin Villak esan zuen ez zuela "ezkutatzeko" asmorik, eta epailearen aurrean deklaratzeko prest agertu zen, 1976ko ekintza hartan ustez izan zuen arduraren inguruan azalpenak emateko, garai hartan Harreman Sindikalen ministro baitzen.
Horren harira, epaileak argi adierazi du Espainiako Gobernuaren laguntzaz galdetu diotenean: "Askorik ez du laguntzen". Epaileek, berriz, "laguntza handia" eman omen diote.
Espainian aldaketa politikoa egoteak prozesua azkartuko ote lukeen galdetuta, "ikerketa abiatzea" eskatu du, "epaile batek baino gehiagok" egin nahi duelako.
"Uneren batean ikertu egin beharko du Espainiak, Pinochetekin Txilen gertatu zen moduan", azpimarratu du.
Zure interesekoa izan daiteke
EAJk eta EH Bilduk akordioa lortu dute enplegu publikoaren legearen erreforma aurrera ateratzeko
EH Bilduk abstentzioa emango du bihar, osteguna, Legebiltzarrean. Modu horretara, EAJk bultzatutako legearen aldaketa onartzea ahalbidetuko du. Horrez gainera, legearen aplikazioari eta eraginkortasunari jarraipen bateratua egitea ere adostu dute bi taldeek.
Feijook hauteskundeak deitzeko eskatu dio beste behin Sanchezi: "Zu zara ustelen arteko lotura politikoa"
Euren agerraldietan, EH Bildu eta EAJ kritiko agertu dira Espainiako Gobernuarekin, eta legealdiari zentzua emateko eskatu diote Pedro Sanchez presidenteari.
Sanchezen esanetan, ustelak ezin dira zigorgabe geratu, "edonor izanda ere"
Espainiako Gobernuko presidenteak errespetua agertu du asteazken honetan Auzitegi Gorenak Jose Luis Abalos ministro ohiaren aurka emandako epaiari, eta ziurtatu du "inoiz ez" zuela izan Gobernuko eta alderdiko zenbait kideri eragiten dieten praktika ustelen berri, eta jakin izan balu, ez lituzkeela onartuko.
Moncloak azpimarratu du batzuek "huts egin" diotela Sanchezi eta ez duela dimisioa eman beharrik
Astelehen honetan, Alberto Nuñez Feijoo PPko buruzagiak Espainiako Gobernuko presidentearen dimisioa eskatu zuen berriro ere, Auzitegi Gorenak Abalosi 24 urteko kartzela-zigorra ezarri ostean.
Froga batzuen abal judiziala egiaztatzen ez bada, kasua baliogabea izatea planteatu du Zapaterok
Espainiako Gobernuko presidente ohiak hainbat idatzi igorri dizkio epaileari, Plus Ultra airelinearen erreskatearen inguruko eraginen trafikoko sare baten ustezko buruzagi moduan ikertu gisa deklaratu ostean.
Pradales: "Asko dago egiteko; bide orriak euskal agendan sakontzea dakar"
Lehendakariak agintaldiaren lehen erdiaren balantzea egin du Ajuria Enean, ekitaldi instituzional batean. Bere hitzaldian, Euskadin lantzen den egonkortasuna nabarmendu du, "oso ezegonkorra" den testuinguru globalean aurrerapena, ongizatea eta autogobernua bermatzeko faktore erabakigarri gisa.
Sanchezek 6.200 milioi euroko inbertsioa iragarri du dependentziaren alorrean
Neurriak 1,6 milioi pertsonari eragingo die, eta diru-laguntzak handitzea ekarriko du. Dekretu bidez onartuko du Espainiako Gobernuak.
EAJk onartu egin du Espainiako Gobernuarekin harremana izan duela Tubos Reunidosen egoera bideratzeko, baina adierazi du Leire auziarekin ez duela loturarik
Alderdi jeltzalearen esanetan, Arabako enpresaren egoeraz arduratzeko egindako bilerak konpainia estrategikoei laguntzeko egindako lanaren parte izan ziren. Bestalde, PPk galdetu du PSOErekin zuten harreman horrek "baldintzatzen" ote duen "Pedro Sanchezi laguntzen jarraitzea".
Otsoaren ehizari bide ematen dion txostenak autonomia-erkidego gehienen babesa jaso du
Kataluniak bakarrik bozkatu du kontra, eta Euskadi eta Gaztela-Mantxa abstenitu egin dira. Trantsizio Ekologikorako eta Erronka Demografikorako Ministerioa ere proposamenaren aurka agertu da.
Zer zeregin zituzten Abalosek, Koldok eta Aldamak musukoen auziagatik epaitutako talde kriminalean?
Auzitegi Gorenak epaian zehaztu ditu buruzagi sozialista ohiak, Koldo Garcia aholkulariak eta Victor de Aldama enpresaburuak erakunde kriminalean zeintzuk eginkizun zituzten.