Puigdemont: 'Ez dugu kargugabetzerik onartuko'
Carles Puigdemont Generalitateko presidenteak Le Figaro egunkari frantsesari eskainitako elkarrizketa batean nabarmendu duenez, Kataluniako Gobernuak bere asmoei eutsiko die, eta erreferenduma egin egingo du, nahiz eta Auzitegi Konstituzionalak debekatu.
"Herritarrekin eta Kataluniako Parlamentuarekin dugun konpromisoa argia da: gure aldarrikapenak boto-kutxekin argitu behar ditugu. Debekuek eta mehatxuek ezingo dute eragotzi katalanek euren etorkizuna modu demokratikoan erabakitzea", adierazi du.
Puigdemonten arabera, Konstituzionalak erreferenduma debekatzen badu, "ezikusiarena" egingo du, baita Auzitegiak kargutik kentzen badu ere. "Ez dut erabaki hori onartuko. Kataluniako Parlamentuak bakarrik kargugabetu nazake", erantsi du.
Kataluniako presidentearen esanetan, "Kataluniako herritarren gehiengo handi batek botoa eman nahi du. Borondate hori ez da desagertuko ni kargutik kenduta. Ez dago botererik urriaren 1eko hautesleku erraldoia itxiko duenik".
Erreferendumean baietzak irabazten badu, emaitzak baieztatutakoan, "Katalunia estatu independentea dela aldarrikatuko dugu, eta erabateko independentziara igarotzeko trantsizio epe batean sartuko gara", azaldu du Puigdemontek.
Ondoren, "epe hori bukatzeko hauteskunde konstituziogileak deituko ditugu, Konstituzioa idatziko dugu eta erreferendumaren emaitza berretsiko dugu. Kataluniak estatu independente moduan jardungo du, baina trantsizio epe hori bukatuta izango da", azaldu du.
Hauteskunde autonomikoetarako materiala
Bestalde, Kataluniako Gobernuaren Gobernazio, Administrazio Publiko eta Etxebizitza Kontseilaritzak hauteskunde autonomikoetarako materiala erosi du, Estatuko Aldizkari Ofizialak (BOE, gaztelaniazko sigletan) gaur jaso duenez.
897.000 euroko kontratua da formalizatutakoa, lau ataletan banatua: bat, gutun-azaletarako; beste bat, boto-paperetarako; hirugarren bat, hauteskunde mahaietako kideek jarraitu beharreko jarraibide liburuxketarako; eta laugarren bat, hauteskundeetako inprimakietarako.
Martxoan hasi ziren kontratua lizitatzen, eta ez du urriaren 1erako erreferendumarekin zerikusirik, Kataluniako Gobernuak orduan adierazi zuenez.
Bidaia orri subiranistaren arabera, erreferendumaren ostean, hauteskundeak deituko ditu Gobernuak: ezetzak irabazten badu, berehala izango dira; baietza gailentzen bada, horiek egin eta hilabete batzuetara.
Zure interesekoa izan daiteke
Bilboko aireportuan ere kontrol aleatorioak ezarri dituzte Italiatik datozen bidaiarientzat
Kontrolak goizean egin dituzte Bilbon, Malagan, Sevillan, Alacanten, Valentzian, Balearretan eta Kanarietan. Madrilgo eta Bartzelonako aireportuetan gauerdian hasi dira ausazko kontrolak egiten.
30 urteko kartzela-zigorra eskatu dute ETAko bost buruzagi ohirentzat Gregorio Ordoñez hiltzeagatik
Akusatuek ETAko buruzagitza osatzen zuten, eta 1995eko urtarrilean Donostiako PPko zinegotzia hiltzea erabaki zuten, Fiskaltzaren idazkiaren arabera.
Elkarrekin Donostia afari solidarioen debekua helegite bidez auzitan jartzea aztertzen ari da
Araua neurrigabea dela eta zalantzazko oinarri juridikoak dituela uste du koalizioak. EH Bilduk, berriz, Kaleko Afari Solidarioak plataformako boluntarioen aurkako "jazarpena" salatu eta debekua bertan behera uzteko eskatu du.
Robles, Marlaska, Bolaños eta Albares Kongresuan agertuko dira abuztuaren amaieran, Ceutako migrazio-krisia dela eta
Espainiako Gobernuak lau ministroen ezohiko agerraldiak eskatu ditu, uztailaren 30ean Ceutan hasitako migrazio-krisiaren kudeaketaren berri emateko.
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.
Ceutan sartu ziren 72.000 pertsonetatik 70.000 Marokora itzuli direla ziurtatu du Marlaskak
Migrazio-krisi honetan hiri autonomora iritsi diren adingabeei premiazko arreta emateko, Espainiako Gobernuak 25 milioi euroko partida gehigarri bat bideratuko du Ceutara.