Independentziaren aldekoek irailaren 15ean hasiko dute baiezkoaren kanpaina
Urriaren 1ean Katalunian egingo den independentziari buruzko galdeketari begira, baiezkoaren aldeko kanpaina irailaren 15ean hasiko da. Baiezkoaren aldeko erakunde eta elkarteek gaurko aurkezpenean azaldu dutenez, subiranismoaren 'aniztasuna' erakustea izango dute helburu.
Jordi Sanchez Kataluniako Biltzar Nazionaleko (ANC) presidenteak aurkeztu du baiezkoaren alde egingo duten kanpaina bateratua eta bere alboan izan dira Neus Lloveras AMI Independentziaren Aldeko Udalerrien Elkarteako presidentea, Jordi Bosch Omnium elkarteko buruzagia, David Bonvehi PDeCAT alderdiko antolakuntza koordinatzailea, Sergi Sabrià ERCko bozeramailea, Democrates alderdiko Antoni Castellà buruzagia eta Quim Arrufat CUP alderdiko kidea.
ANCko presidenteak azpimarratu duenez, erakundeen eta alderdien artean "koordinatutako" kanpaina bat izango da eta subiranismoaren "azentu" desberdinak erakustea izango du helburu. Ildo horretan, "baiezkoaren aldekoen artean dagoen aniztasunak" indartsuago egingo dituela uste du.
Sanchezen esanetan, kanpaina irailaren 15ean, 00:00etan, hasiko da ofizialki eta hiru ekitaldi nagusi izango ditu: hasieran, erdian eta amaieran. Gainera, ekitaldi horietako bat Bartzelonan izango da.
Halaber, kanpainaren hasieraren aurretik egingo den "ekitaldi bateratu" bakarra Diada egunekoa izango dela nabarmendu du.
Bestalde, kanpainari lotuta, webdelsi.cat webgunea jarri dute abian eta bertan ekitaldi guztien inguruko informazioa ezagutzeko, boluntario gisa izena emateko eta ekarpen ekonomikoak egiteko aukera izango da.
Azkenik, segurutzat jo du urriaren 1eko erreferenduma egin egingo dela eta abstentzioaren atzean ez ezkutatzeko deia egin die boto-emaileei. Haren esanetan, urriaren 1eko galdeketari begira bi aukera baino ez daude: baiezkoa edo ezezkoa.
oa edo ezezkoa.Albiste gehiago politika
Gorenak Cerdan inputatu du eta ekainaren 30erako deitu du bere deklarazioa
Epaileak bost enpresaburu ere deitu ditu deklaratzera ikertu gisa. Esleipenen truke ustez legez kanpoko eskupekoak ordaindu zituzten enpresen administratzaileak dira.
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosen hitzetan, Cerdan eta Garciaren “ustelkeria dinamika” Nafarroatik zetorren, eta “erabili” egin dute
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok Ministerioan jarri zuten, eta, ondoren, "presioa" egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.