Cerdanek "errugabea" dela defendatu du eta adierazi du ez dela eta ez dela sekula izan Antxon Alonsoren bazkide
Nafarroako Parlamentuko ikerketa batzordean agerraldia egin du Santos Cerdan PSOEren Antolakuntza idazkari ohiak, eta nabarmendu du ikerketa batzordea baino UPNren "mendeku" gosea asetzeko batzordea dela.
Santos Cerdan, gaur, Nafarroako Parlamentuko ikerketa batzordean egin duen agerraldian . Argazkia: EFE
Santos Cerdan PSOEko Antolakuntza idazkari eta Espainiako Kongresuko diputatu izandakoak errugabea dela aldarrikatu du eta adierazi du ez dela eta ez dela inoiz izan Antxon Alonso Servinabar enpresaren administratzailearen bazkide.
Aurreikusi bezala, aurrezko aurreko garratza izan dute Cerdanek berak eta Javier Esparza UPNren ordezkariak Nafarroako Parlamentuan, Belateko tunelen lanetan izan omen diren irregulartasunak argitzeko abian den ikerketa batzordean. Justizia gosez dagoela argi utzi du, Nafarroako gobernuaren herri-lanen esleipenean ez duela sekula esku hartu, ez Belateko tunelak zabaltzeko lanetan ez besteetan.
Cerdanen arabera, Esparza minduta dago ez duelako Nafarroako presidente izate lortu, eta bera bezala, politikoki hilik dagoela adierazi du. Are gehiago, Nafarroako Parlamentuko ikerketa batzordea UPNren mendeku gosea asetzeko batzordea dela uste du buruzagi ohi sozialistak.
Bestalde, gezurretan aritzea aurpegiratu dio Cerdanek Esparzari. Cerdanen esanetan, ez dago Servinabarreko bazkide zela adierazten duen froga bakar bat ere. Beste batzuetan esan izan duen bezala, Servinabar enpresaren bazkide izateko dokumentua sinatu zuen 2016an, baina azkenean atzera egin eta akordioa bertan behera geratu zen.
Nafarroako Gobernuak Belateko tuneleko lanak esleitu zizkion Servinabar, Acciona eta Oses Construcciones enpresek osatzen zuten aldi baterako enpresa elkarteari.
Halaber, Cerdanek ukatu egin du Servinabar enpresaren txartela erabili zuela Madrilgo etxebizitzaren alokairua ordaintzeko, eta hori Guardia Zibilaren UCO unitatearen txostenak jasotzen duen beste gezur bat dela gaineratu du.
Azkenik, Cerdanek aitortu du EH Bildurekin negoziatu zuela Cristina Ibarrola Iruñeko alkatetzatik kentzeko, baina ukatu egin du Arnaldo Otegirekin negoziatu izana Maria Chivite Nafarroako presidente izendatu ahal izateko.
Zure interesekoa izan daiteke
Pradalesek medikuen grebaren erantzunkizuna Osasun ministroari egotzi dio
Monica Garcia Osasun ministroa defendatzea aurpegiratu dio Imanol Pradales lehendakariak Jon Hernandez Sumarreko legebiltzarkideari, "berak eragindako" medikuen greba dugunean.
Etxebizitza planarekin lursailak eta etxebizitza pribatuak "desjabetu" nahi dituen argitzeko eskatu dio Pradalesek EH Bilduri
Imanol Pradales lehendakariak Eusko Legebiltzarreko kontrol saioan erantzun dio EH Bilduk etxebizitza eskuratzeko krisiari buruz egindako galderari. Pello Otxandianok esan duenez, etxebizitzaren alorrean "gauza asko egin behar dira", baina "nagusia" prezioak jaistea da, "errenta ertaineko langileei benetan eskuragarriak diren etxebizitzak" eskaintzeko.
Euskadin inbertsio ekonomiko iraunkorra arintzeko legea iragarri du Pradalesek
Imanol Pradales lehendakariak iragarri duenez, Eusko Jaurlaritza osatzen duten alderdiek, EAJk eta PSE-EEk, jarduera ekonomiko jasangarria errazteko eta arintzeko premiazko neurrien lege-proposamen bat aurkeztuko dute datozen asteetan. Gogorarazi du Politika Orokorreko azken osoko bilkuran konpromisoa hartu zuela Euskadin inbertsio-proiektu estrategikoak martxan jartzea errazteko bide azkar bat prestatzeko. Ekimenaren helburua "autobide arautzaile" gisa definitu duena sortzea da, epe administratiboak legezko berme guztiekin murriztea eta herrialdearen garapen ekonomikorako lehentasunezkotzat jotzen diren proiektuak bizkortzea ahalbidetuko duena.
Hauteskundeak, Andaluzian: zer du jokoan alderdi bakoitzak M17an?
Gauerdian amaituko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin azken minutura arte ahalegindu nahi du azken urteotan galdutako boto-emaileak berreskuratzen.
Andaluzia: ezkerraren gotorleku eraitsia, eskuinaren bastioi berria
Zalantza nagusi bat dago igandeko hauteskundeei begira: PPk gehiengo osoa lortuko ote duen ala Voxen babesa beharko ote duen. Andaluzia ezkerraren gotorlekua zen, baina eskuina hegemonikoa da gaur egun. “Ezkerreko indarren higadura eta eztabaida politikoaren gai nagusien aldaketa giltzarriak izan dira”, adierazi du Ainara Villaño politologoak.
Podemos Euskadik akordioa lortu du EAJrekin eta PSE-EErekin EAEn tasa turistikoa ezartzeko
Alderdi moreak aurreratu duenez, bihar emango dituzte itunaren xehetasunak, Donostian egingo duten prentsaurrekoan. Turismo egonaldien gaineko zergaren Foru Arauaren proiektua tramitazio bidean dago Arabako, Bizkaiko eta Gipuzkoako batzar nagusietan.
Euskadiko Gardentasun Legearen gakoak: informazio publikorako sarbidea, kontrol handiagoa eta kexa-postontzia
Gardena izeneko organo independenteak legea betetzen dela bermatuko du. Sektore publikoko administrazio, organismo eta erakunde guztiak eta pribatuak hartuko dituen jarduera-eremua izango du, baldin eta ez betetzea Euskadira mugatzen bada.
Zurekin Nafarroa: “Hautsi egin da Geroa Bairengan geneukan konfiantza”
Carlos Guzman Zurekin Nafarroaren Parlamentuko bozeramaileak adierazi duenez, Geroa Bairekin zuten konfiantza "hautsi" egin da, UPNk hezkuntza itunduaren inguruan egindako lege proposamenaren bozketan abstenitu egin baita.
Geroa Baik esku hartzeko eskatu dio Chiviteri, gobernukideak berriro adiskidetu daitezen
Pablo Azcona Geroa Bairen bozeramaileak Maria Chivite Nafarroako presidenteari eskatu dio "egoera bideratzeko, leheneratzeko, egonkortasuna bermatzeko eta gobernukideek elkar uler dezaten bermatzeko". Horretara mintzatu da, UPNk proposatutako itunpeko hezkuntzari buruzko lege proposamena onartu ostean.
Nafarroako gobernukideak banatuta atera dira legegintzaldi honetan izan den eztabaida tirabiratsuenetik
Lehen presidenteordeak biltzera deitu ditu PSN, Geroa Bai eta Contigo-Zurekin, "legealdia amaitu arte, eta gero ere bai, sinatutako konpromiso politikoa aztertzeko eta, hala badagokio, berresteko". Testuinguru horretan, "konpromisoa" eskatu die alderdiei.