Rajoyk Zigor Kodea aldatzea proposatu du jihadismoaren aurka borrokatzeko
Mariano Rajoy Espainiako Gobernuko presidenteak Zigor Kodea hirugarrenez aldatzea proposatu du, Bartzelonako eta Cambrilseko (Tarragona) atentatuen ostean, terrorismoarekin ?deskantsurik ezin delako egon".
Ministroen Kontseiluaren ostean, Gobernuko buruak nabarmendu duenez, jihadistek ?jokaerak aldatzen? dituzte jarduteko garaian, eta berdin erantzun behar zaiela azaldu du. ?Legeak bi aldiz aldatu ditugu, eta beharrezkoa izanez gero, berriro egingo dugu?, azpimarratu du.
Halaber, Juan Ignacio Zoido Barne ministroaren deia errepikatu die alderdi politikoei, jihadismoaren aurkako ituna sinatzeko, haren hitzetan, ?batasuna ezinbestekoa delako, eta biktimek behar dutena hori delako?.
Imamen erregistroa
Horrez gain, Mariano Rajoyk beroan ez erreakzionatzearen alde egin du, behin gertaera traumatiko bat izanda, ?ez terrorismoaren aurkako borrokan, ezta bizitzako edozein arlotan ere?, esan du, eta ikerketa judizialaren emaitzari itxarotea eskatu du.
Imamen erregistro bat egiteko aukerari buruz galdegin diotenean erantzun hori eman du. Kasua jarraitzen duen Auzitegi Nazionaleko epailearen babesa eskatu du eta haren ondorioak ikustea. Hori izango da ?eraginkorragoak izateko? zer egin erabakitzeko unea. Erabakiak beroan hartzeak ez du inora eramaten?, errepikatu du.
Nazioarteko lana
Rajoy Parisera joango da astelehenetan, goi-bilera batean parte hartzeko, Frantziako, Alemaniako eta Italiako homologoekin batera, Terrorismoaren aurkako borroka izango da gai nagusia, Bartzelonako eta Cambrilseko atentatuen ostean.
Presidenteak azaldu duenez, Emmanuel Macron Frantziako estatuburuari eskatu dio bileran Europar Batasunean lankidetza mekanismoak nola hobetzeko gaiaz hitz egitea. Europako ?hainbat? zuzentarau martxan jarri direla esan du, baina mekanismo berriak bilatzea beharrezkoa dela beti gaineratu du. Horrez gain, Espainiak terrorismoaren biktimen eskubideen Europako karta bat bultzatu duela gogorarazi du.
Rajoyk polizien lana txalotu du
Halaber, Rajoyk Esquadra Mossoen lana txalotu du, Kataluniako atentatuen ostean zelula 100 ordutan deseginda, eta aintzatespena Guardia Zibilaren eta Polizia Nazionalaren lanari zabaldu dio.
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.