Konstituzionaleko kideak kentzea eskatu dute 'inpartzialtasunik ezagatik'
Carme Forcadell Kataluniako Parlamentuko presidenteak Auzitegi Nazionaleko 12 kideak errefusatzea eskatu du gaur, asteazkena, "inpartzialtasun falta" argudiatuta, eta defentsarako eskubidea "bermatzeko" helburuarekin. Horrekin, Parlamentuaren edo horren presidentearen eginkizunen aurka egin litzaketen 'salbuespenezko' edozein prozesu geldiarazi" ahal izatea nahi dute.
Erreferendumaren Legea onartzeko osoko saioa hasteko minutu batzuk falta zirenean eman du Forcadellek neurriaren berri, Twitter bidez.
"Auzitegi Konstituzionaleko kideak errefusatzea eskatu dut orain dela gutxi. Estatuko Gobernuaren parte bihurtu dira eta zilegitasuna galdu dute", idatzi du.
Ekimenaren bidez, Forcadellek "Konstituzionalak Parlamentuaren edo horren presidentearen eginkizunen aurka egin litzakeen 'salbuespenezko' edozein prozesu geldiarazi" ahal izatea nahi dute, Parlamentu katalanak ohart baten bidez azaldu duenaren arabera.
Gaur aurkeztu du eskakizuna Konstituzionalean. Hala, auzitegi hori erreformatzeko lege organikoa "Konstituzioaren espres erreforma"tzat hartu dute, defentsarako eskubidea salbuespen egoera batean baino are murriztuago dagoela iritzita.
Forcadellek gaineratu duenez, Espainiako araudi juridikoan, ez dago "babes falta" handiagoa sortzen duen prozesurik, Auzitegi Konstituzionalaren lege organikoak ez bezala.
Konstituzionalaren zigortzeko eskuduntzak, horren ustean, Giza Eskubideen Adierazpen Unibertsalaren 10. artikulua, Eskubide Zibil eta Politikoen Nazioarteko Ituna, Giza Eskubideen Hitzarmen Europarra eta Europar Batasuneko Oinarrizko Eskubideen Gutuna urratzen ditu, "bidezko epaiketa bat izateko bermerik ez dagoelako".
Hori dela eta, Forcadellek prozesu konstituzional hipotetiko batean parte hartzea eskatu du, Kataluniako Paralamentuan esku hartzeko neurriak edo Parlamentuko presidentearen zereginen inguruan eztabaidatuz gero, "berme eta eskubiderik gabeko" prozesu baten aurrean defentsarako eskubidea izateko.
Zure interesekoa izan daiteke
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.
Andaluziak 2026ko maiatzaren 17an egingo ditu hauteskunde autonomikoak
Juanma Moreno presidenteak hilabete aurreratu ditu hauteskundeak; izan ere, legegintzaldia ekainean amaitzea aurreikusita zegoen.
Pradalesek ausardiaz jokatzeko garaia dela esan die euskal enpresei
Irango gerrak Euskadiko ekonomian izango duen eraginaz kezkatuta agertu da lehendakaria, ULMA enpresara egin duen bisitan. Onartu egin du hurrengo asteak eta hilabeteak ez direla errazak izango, baina nabarmendu du Europako berrindustrializazioari ekarpen handia egin diezaioketela euskal enpresek.
PPk zer erabaki jakin arte, Gobernua Juntsen menpe egongo da Irango gerraren ondorioak arintzeko beherapen fiskalen dekretua aurrera ateratzeko
Podemosek adierazi du ez duela neurri sortaren aurka egingo, baina uste du ezin duela aldeko botorik eman, beherapen fiskalak ezartzea "prezioen igoerari aurre egiteko bidea" ez delakoan. Hala, abstenitu egingo dela jakinarazi du.
Nafarroako Parlamentuak atzera bota ditu UPNk eta PPk Korrikaren aurka aurkeztutako bi adierazpen instituzional
Taldeen bozeramaileek agerian utzi dituzte euren arteko desadostasunak, euskararen aldeko lasterketan ETAko presoen argazkiak erakustearen eta Korrikaren beraren inguruan.