Erreferendum legea tramitera onartu du Kataluniako Parlamentuko Mahaiak
Kataluniako erreferendum legea onartzeko lehen urratsa eman dute JxSí eta CUP talde independentistek, arau hori urgentziaz tramitera onartzeko eskaria Kataluniako Parlamentuko Mahaian aurkeztuta. 09:00etatik egon da bilduta Mahaia, eta 10:00ak aldera onartu dute legea tramitera.
Mahaiko iturriek azaldu dutenez, bost kidek eman dute tramitera onartzearen aldeko boza, JxSí taldeko lauk eta Catalunya Sí Que Es Poteko batek. Ciudadanoseko eta PSCko ordezkariek kontra bozkatu dute. Tramitera onartutakoan, JxSík osoko bilkuraren gaurko gai-ordena aldatzeko eskatu du, erreferenduma egiteko legea eztabaidara eramateko.
Carme Forcadell Parlamentuko presidenteak Mahaiaren ezohiko bilera antolatu du goizean, ganberan gehiengoa duten bi alderdiek erreferendum legea eztabaidatzeko eskaera egin zezaten.
Bi taldeok aurkeztu duten eskarian erreferenduma egiteko legea aipatzen da bakarrik, ez trantsizio juridikoa egiteko legea. Parlamentuko araudiaren 37. artikulua ezarri eta erreferendum legea "urgentziaz tramitera" onartzeko eskatu diote Mahaiari.
CUPeko parlamentariek azaldu dutenez, eskaria modu horretan aurkeztuta, bi taldeek euren gain hartu dute prozeduraren ardura edo erantzukizun politikoa.
Trantsizio legeari dagokionez, CUPeko iturriek aurreratu dute balitekeela arau hori aste honetan bertan egingo den beste osoko bilkuran edo datorren astekoan onartzea.
Aurreikuspenen arabera, arratsaldean onartuko du Kataluniako Parlamentuak erreferendum legea, JxSí eta CUP taldeetako parlamentarien botoekin. Ez da baztertzen Catalunya Sí Que Es Pot koalizioko ordezkariren batek edo gehiagok ere alde bozkatzea.
Parlamentuko idazkari nagusiak legea ez argitaratzeko agindua eman du
Erreferendumaren lege-proposamena Kataluniako Parlamentuaren Aldizkari Ofizialean ez argitaratzeko agindua eman die Xavier Muro Parlamentuko idazkari nagusiak Ganberako zerbitzuei goizean, baina ondoren argitaratu da Junts pel Siren babesarekin, oposizioko iturriek azaldu dutenez.
Legea tramitera onartzeko erabakia berriz aztertzea eskatzeko Mahaia berriro bildu da oposizioak eskatuta. Xavier Murok bertan azaldu duenez, Ganberako funtzionarioei lege-proposamena ez argitaratzeko agindua eman die.
Murok araua argitaratzeari uko egiten ziola ikusita, Junts pel Sik Mahaian dituen lau ordezkariek aurrera eraman dute tramitea: Lluis Guino, Anna Simo, Ramona Barrufet eta Carme Forcadell Ganberako presidentea.
ko presidentea.Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.