Generalitateak gastuen inguruko txostenak astero bidaltzeari utzi dio
Oriol Junqueras Generalitateko presidenteordeak Ogasun Ministerioari gutun bat bidali dio, Kataluniako Gobernuak gastuen inguruko txostenak astero bidaltzeari utziko diola jakinarazteko. Generalitateak hilero txosten bakarra egingo du, ondorioz, urriaren 1a igaro arte ez du informazio gehiago igorriko.
TV3 telebistak aurreratu eta Ekonomia Kontseilaritzako iturriek baieztatu dutenez, Junquerasek Cristobal Montoro Ogasun ministroari gutuna bidali dio gaur bertan.
Junquerasen hitzetan, astero txostenak bidaltzeari utziko diote, “aurrekontuen egonkortasun helburuekin eta Estatuko legediarekin zerikusirik ez duen kontrol politikoa delako”.
Kontseilariak gutunean ziurtatu duenez, Kataluniak erkidegoei ezarritako defizit helburuarekin konprometiturik jarraitzen du, eta gastuen inguruko txostenak bidaliko ditu, baina hilero soilik.
Horrela, urriaren 1a igaro arte Generalitateak ez du txosten berririk igorriko. Kataluniako Gobernuak independentzia erreferenduma egiteko asmoa du, nahiz eta Auzitegi Konstituzionalak bertan behera utzi.
Espainiako Gobernuak Generalitateari txostenak bidaltzea inposatu zion, erreferendumera bideratutako aurrekontu-sailik ez dagoela idatziz bermatzeko.
Espainiako Gobernuak neurriak hartuko ditu
Ministroen Kontseiluak neurri berriak hartuko ditu bihar, kataluniarren diru publikoa erreferenduma egiteko bideratzen ez dela bermatzeko.
Uztailaren 21ean Generalitatearen gastuen gaineko kontrola areagotzea erabaki zuen Ministroen Kontseiluak, asteroko txosten hori eskatuz eta, informazioa bidali ezean, Erkidegoen Likideziarako Funtsarekin erantzungo zuela ohartaraziz.
Generalitateak txostena astero bidaltzeari uko egin ondoren, Gai Ekonomikoetarako Batzorde Delegatuak bilera egin du gaur Moncloa Jauregian, Gobernuko iturriek jakitera eman dutenez.
Exekutiboak neurriak zehaztu bitartean, Generalitateko hornitzaileei eta zerbitzu publikoei kalte egingo ez dietela ziurtatu dute iturriek.
Bere eginbeharra betetzeko eta informazioa berehala bidaltzeko eskatu dio Cristobal Montoro Ogasun ministroak Generalitateari.
Datuak bidaltzen ez baldin badituzte “beharrezko neurriak” hartuko dituzte, Generalitateak indarrean dagoen legedia eta, konkretuki, aurrekontuen egonkortasunerako araudia betetzeko, Montorok Gobernuaren erantzun gutunean ohartarazi duenez.
Zure interesekoa izan daiteke
Rosa Zarraren, Ertzaintzaren pilotakada jaso ondoren hil zen emakumearen, omenezko plaka jarri du Donostiako Udalak
Orain arte 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.
Alemaniako presidentea Gernikan izango da azaroaren 28an, nazien bonbardaketaren biktimen omenez
Alemaniako presidente bat Gernikara joango den lehen aldia izango da, eta balio sinboliko eta politiko handia hartuko du bisitak. Ultraeskuinaren gorakada kezkagarriaren erdian dator pausoa.