Urkulluren proposamenak oposizioaren erreakzioa eragin du
Legebiltzarreko taldeek Iñigo Urkullu lehendakariaren hitzaldiari erantzun diote, gaur, Politika Orokorreko Eztabaidan.
Joseba Egibar EAJko legebiltzarkidearen hitzetan, Estatu konfederalaren alde Urkulluk egindako defentsa "ez da berria".
Ildo horretan, 1998an, EAJk, CiUk eta BNGek Estatu konfederalaren aldeko akordioa sinatu zutela eta egitura hori Espainiako Gobernuari berari eskaini ziotela gogoratu du Egibarrek.
Haren esanetan, "Euskadiko, Kataluniako eta Galiziako errealitateak aintzat hartuta, Estatu konfederala antolatu liteke, Espainiako Estatuan", Europar Batasuna "batasun konfederalaren eredurik onena" baita.
Iker Casanova EH Bilduren legebiltzarkideak lehendakariari egotzi dio euskal gizartearen arazoei "ihes egin nahi izatea" eta autogobernuaren harira proposamen "errealistak" ez egitea.
Kataluniako auziaren harira Urkulluk egindako mintzaldia "erabat mingarria, distantziakidea eta hoztasunez beterikoa" dela esan du. Izan ere, atzo Generalitateko goi-karguen atxiloketen ostean ez du "behar bezalako solidaritatea" azaldu.
Lander Martinez Elkarrekin Podemoseko bozeramailearen ustez, lehendakaria "errealitatetik kanpo" gelditu da gaur, eta Katalunian izandako azken gertaeren ostean, EAJk inolako akordiorik sinatuko ez duela esatea falta izan zaiola leporatu dio lehendakariari.
Martinezen hitzetan, Generalitateko goi-kargudunen atxiloketen aurrean, lehendakaria “irmoago” erantzun behar izan du.
Autogobernuari dagokionez sozialistak lehendakariaren hitzaldiarekin bat ez datozela zehaztu nahi izan du Jose Antonio Pastor PSE-EEko bozeramaileak.
“Autogobernuaren etorkizunari buruzko ikuspegi partikularra aurreratu du lehendakariak”, azaldu die Pastorrek kazetariei. “Proposamen batzuekin ez gaude ados, eta eskumenak argitzeaz, eskubide sozialak blindatzeaz eta leialtasun federalerako mekanismoez hitz egitea nahiago dugu”, gaineratu du. Gai horren inguruan alderdi bakoitzak ikuspuntu desberdina du.
Euskadin, PPren “babesa jasotzea jokoan” dagoela ohartarazi dio Borja Semper Alderdi Popularreko legebiltzarkideak Urkulluri. Status berriaren bidetik jarraitzen baldin badu, Ibarretxe plana “berrargitaratzea” izango litzateke, kritikatu duenez.
Urkulluren hitzaldian “doktrina abertzale asko eta kudeaketarako neurri gutxi” ikusi dituela esan du Semperrek. “Autokonplazentzia” eta gizartearen benetako arazoen aurrean erantzun falta leporatu dizkio lehendakariari.
Albiste gehiago politika
Begoña Gomez herri epaimahai batek epaitzea proposatu du Peinado epaileak, diru publikoa bidegabe erabiltzea egotzita
Datorren larunbatean epaitegira joateko dei egin dio, 18:00etan, aurretiazko agerraldia egin dezan.
Kongresuak atzera bota du migrazio eskumena Kataluniako Gobernuaren esku uzteko Juntsek eta PSOEk adostutako lege proposamena
Podemosek lege testuaren aurka bozkatu du PPrekin eta Voxekin batera, "arrazista" dela iritzita. Horiei Sumarreko bi diputatu batu zaizkie, boto diziplina hautsita. Miriam Nogueras Juntseko bozeramaileak muturreko eskuina eta muturreko ezkerra kritikatu ditu Kataluniaren aurkakoak direla iritzita.
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.