Azken sei atxilotuak, behin-behinean aske
Juan Antonio Ramirez Bartzelonako 13. zenbakiko Instrukzio Epaitegiko buruak aske utzi ditu atxilotuta jarraitzen zuten sei atxilotuak. Tartean dira Josep Maria Jove gaur arte Generalitateko Ekonomia idazkari eta Junquerasen 'bigarrena' zena eta Lluis Salvado Ogasun idazkaria.
Iturri judizialek jakinarazi dutenez, seiak behin-behinean geratu dira aske, desobedientzia, diru publikoa bidegabe erabiltzea eta prebarikazio delituak egotzita. Astean behin joan beharko dute epaitegira, sinatzera.
Gainera, erreferendumarekin "modu zuzenean edo zeharka lotuta egon daitekeen edozein ekintza" saihets dezatela agindu die, "desobedientzia delitua" izan daitekeela ohartarazita.
Atxilotutakoek deklaratzeari uko egin diote.
Oriol Junqueras Kataluniako presidenteorde eta Ekonomia kontseilaria Kataluniako Justizia Hirira hurbildu da goizean, atxilotuei babesa emateko.
Guztira, Generalitateko 14 goi-kargudun atxilotu zituen Guardia Zibilak asteazkenean. Bost atzo utzi zituzten aske, eta beste hiru, asteazkenean bertan.
Kargudunek eskatutako habeas corpusak atzera bota zituen epaileak, horren ustez, atxiloketak legezkoak izan zirelako.
Azken atxilotuak, aske geratu eta gero. Argazkiak: Aritz Agirre | Euskadi Irratia
Protestak Kataluniako Auzitegi Nagusiaren aurrean
Atzo egin zuten moduan, gaur ere ehunka herritar bildu dira Kataluniako Auzitegi Nagusiaren aurrean (Lluis Companys pasealekua, Bartzelona), operazioaren kontra protesta egiteko eta atxilotuak aske uztea eskatzeko atzo abiatutako "mobilizazio iraunkorrean".
Rajoyren "mehatxuen aurrean" erreferenduma antolatzeko inoiz baino "arrazoi gehiago" daudela esan du Turullek, eta Espainiako Gobernua "berme guztiekin amaitzen" ari dela ohartarazi du.
"Kalte larriagoak saihesteko" Rajoyk galdeketa bertan behera uzteko eskatu ostean, U-1ean erreferenduma egin eta bozka emateko katalanek "inoiz baino gogo gehiago" dutela ziurtatu du Kataluniako Gobernuko Presidentetza kontseilari eta bozeramaileak.
"Rajoyk Kataluniako Gobernuari amore emateko eskatu dion arren, ez dugu gure asmoa bertan behera uzteko inolako arrazoirik. Egunero bozkatzeko gogo gehiago dugu", nabarmendu du Turullek.
Hori dela eta, urriaren 1a "demokraziaren aldeko uholde bat" bihur dadin parte hartzeko deia egin die herritar guztiei. Hala, "demokraziaren oinarriak eta herritarrek dituzten oinarrizko eskubideak" defendatzeko deia egin du.
200 bat pertsonak igaro dute gaua bertan, kanpadendetan eta belarretan, lo-zakuetan. Jai eta aldarrikapen giroa izan da nagusi:
Kataluniako Asanblea Nazionalak eta Omnium Culturalak deitu dute mobilizazioa. Ohartarazi dutenez, atxilotu guztiak aske utzi arte egongo dira han.
Bartzelonako eta Kataluniako hainbat puntutan bezala, Auzitegiaren aurrean bildutakoek ere lapiko jotzeak egin dituzte bart.
/p>
Zure interesekoa izan daiteke
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.
Andaluziak 2026ko maiatzaren 17an egingo ditu hauteskunde autonomikoak
Juanma Moreno presidenteak hilabete aurreratu ditu hauteskundeak; izan ere, legegintzaldia ekainean amaitzea aurreikusita zegoen.
Pradalesek ausardiaz jokatzeko garaia dela esan die euskal enpresei
Irango gerrak Euskadiko ekonomian izango duen eraginaz kezkatuta agertu da lehendakaria, ULMA enpresara egin duen bisitan. Onartu egin du hurrengo asteak eta hilabeteak ez direla errazak izango, baina nabarmendu du Europako berrindustrializazioari ekarpen handia egin diezaioketela euskal enpresek.
PPk zer erabaki jakin arte, Gobernua Juntsen menpe egongo da Irango gerraren ondorioak arintzeko beherapen fiskalen dekretua aurrera ateratzeko
Podemosek adierazi du ez duela neurri sortaren aurka egingo, baina uste du ezin duela aldeko botorik eman, beherapen fiskalak ezartzea "prezioen igoerari aurre egiteko bidea" ez delakoan. Hala, abstenitu egingo dela jakinarazi du.
Nafarroako Parlamentuak atzera bota ditu UPNk eta PPk Korrikaren aurka aurkeztutako bi adierazpen instituzional
Taldeen bozeramaileek agerian utzi dituzte euren arteko desadostasunak, euskararen aldeko lasterketan ETAko presoen argazkiak erakustearen eta Korrikaren beraren inguruan.