Barne Ministerioak segurtasun-indarren kontrola hartu du Katalunian
Barne Ministerioak segurtasun-indarren koordinazioa bere gain hartu du Katalunian, erreferenduma egitea galarazteko, honek ez du esan nahi Esquadra Mossoei ahalmenik edo eskuduntzarik kenduko zaienik, ministerioko iturriek jakitera eman dutenez.
Hala eskatu du fiskalak, aste honetako gertaerak ikusita eta Barne Ministerioak gutun bidez Joaquim Forn Generalitateko departamendu horren kontseilariari jakinarazi ostean polizia nazional eta guardia zibil gehiago bidaliko zituela Esquadra Mossoei ordena publikoa mantentzen laguntzeko.
Kataluniako Auzitegi Nagusiko fiskal nagusiak Guardia Zibileko, Polizia Nazionaleko eta Mossoen arduradunei jakinarazi dienez, Segurtasuneko Estatu Idazkaritzaren kargu utzi dute koordinazioa.
Iturriek nabarmendu dutenez, honek ez du esan nahi Kataluniako Poliziari eskuduntzarik kenduko zaienik. Funtsean, adostutako koordinazio-mekanismoa mossoei Bartzelonako eta Cambrilseko atentatuen ostean agindutako berbera da.
Estatuko segurtasun-indarren lege organikoak 38.2 artikuluan Mossoei ordena publikoa mantentzen laguntzeko Poliziaren eta Guardiaren esku-hartzea aurreikusten duela azaldu dute iturriek. Barne Ministerioak hala adierazi die Kataluniako agintariei Kataluniara polizia nazional eta guardia zibil gehiago bidaltzeko erabakia justifikatzeko.
Funtzio horretan jardutea Mossoei dagokie lehentasunezko izaeran, baina, aipatutako legeak jasotzen duenaren arabera, Polizia eta Guardia Zibilaren esku-hartzeari kalterik egin gabe, ?autonomia erkidegoak hala eskatuta, hala erabaki propioa hartuta, dagokien Estatuko agintariek beharrezkotzat joz gero?.
Erreferendumari babesa emateko agiria
Herrialdeko hainbat eragilek agiri bat sinatuko dute gaur, larunbata, erreferendumari babesa emateko, ?Erabakitzea eskubide demokratikoa da? lelopean. Sinatzaileen artean honako politikari hauek daude: Maddalen Iriarte (EH Bilduren bozeramailea Legebiltzarrean) eta Adolfo Araiz (EH Bilduk Nafarroan duel bozeramailea), Jordi Cuixart (Katalunia), Xose Manuel Beiras (Galiziako buruzagi politikoa) eta Teresa Rodrigez (Andaluziako Parlamentuko diputatua).
Bozkatzeko lekuak azaltzeko helbide berri bat
Urriaren 1eko erreferendumean bozkatzeko hauteslekuen berri ematen duen webgune berri baten helbidea zabaldu du larunbat goiz honetan Carles Puigdemont Kataluniako presidenteak.
Urriaren 1eko erreferendumean bozkatzeko hauteslekuen berri ematen duen webgune berri baten helbidea zabaldu du larunbat goiz honetan Carles Puigdemont Kataluniako presidenteak, aurrez martxan jarritako webgunea bertan behera uzteko agindua eman ostean Kataluniako Auzitegi Nagusiak.
Albiste gehiago politika
Santos Cerdanek errugabea dela adierazi du: "Ez dut UCOk esan duen ezer egin"
'La Vanguardia' hedabideak egindako elkarrizketa batean, PSOEko Antolakuntza idazkari ohiak esan du bera ez dela Koldo edo Jose Luis Abalosekin izandako elkarrizketetan egon, eta gaineratu du hura ez omen dela bere ahotsa.
Nafarroako PPren presidenteak curriculumeko datu faltsu bat zuzendu du Parlamentuaren webgunean
'Diario de Noticias' egunkariaren arabera, Javier Garciak bere fitxa aldatu du Nafarroako Parlamentuan, inoiz egin omen ez duen gradu baten izena aldatzeko.
De Andresek EAJri eta PSEri ohartarazi die ez dela bateragarria EH Bilduren "bikotekide izatea" eta poliziari eraso egiten dietenen aurka egotea
EAEko PPren presidenteak "etikoki argiago" jokatzea eskatu die bi alderdiei, "ezinezkoa delako" koalizio abertzalearen "bikotekide izan", eta Ertzaintzari eraso egiten diotenen "aurka" daudela esatea.
PPk onartu du Madrilgo Biltzarraren presidenteorde Ana Millan ez dela Politika Zientzietan lizentziaduna
Noelia Nuñez popularrak, Jose Maria Angel Valentziako sozialistak eta Ignacio Higuero Extremadurako kontseilariak dimisioa eman dute azken asteetan, euren ikasketei buruzko informazio ofiziala faltsua omen da eta.
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kendu" baitio. Alkateak hitzok esan ditu Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".