Rosa Lluch, Memoria lantaldean: 'Sufrimendu guztiak dira balekoak'
Memoria eta Bizikidetza Lantaldeak agerraldi faseari ekin dio gaur. Ateak itxita, honakoek eman dute testigantza: Rosa Lluch eta Josu Elexpe ETAk hildako Ernest Lluchen eta Froilan Elexperen seme-alabak, hurrenez hurren, eta Unai Gonzalez preso ohiak.
Agerraldiaren ostean, kazetarien aurrean mintzatu da Rosa Lluch ETAk 2000. urtean hildako Ernest Lluch PSCren buruzagiaren alaba. Lluchek uste du "sufrimendu eta min guztiak" kontuan hartu behar direla, eta hala, Unai Gonzalez preso ohiarekin batera Memoria eta Bizikidetza Lantaldean parte hartzeak ez duela "deseroso" sentiarazten azpimarratu du.
"Ni ETAren biktima naiz, bera beste istorio batena. Sufrimenduaz eta minaz hitz egin behar bada, denak dira balekoak", adierazi du.
Horren ildoan, "elkarguneak bilatzeko eta adiskidetzeko garaia" dela azpimarratu du, betiere "indarkeriaren erabilera legitimatu gabe".
Lluchen hitzetan, "ETAren indarkeria oinarrizko akats bat izan zen, baina baita Estatuaren estolderietan sortutako talde paraofizialek edota Estatuko Segurtasun Indarrek egindakoa ere".
Hori horrela, Ernest Lluchen alabak uste du Memoria eta Bizikidetza Lantaldearen lana "positiboa eta beharrezkoa" dela. "Zauriak itxi eta zubiak berreraikitzen hasi behar gara", azpimarratu du.
"Biktima guztien aitortza" eskatu du Gonzalezek
Lluchen ondotik mintzatu da Unai Gonzalez preso ohia. Amaginarreba trafiko istripu batean galdu zuen, Teruelgo kartzelara bisitan zihoanean. Hain justu, sakabanaketaren biktimei ere "aitortza" zor zaiela uste du Gonzalezek, eta azken urteetan 16 pertsona hil direla gogorarazi du. "Pertsona horiek familia bizitzarako duten eskubidea gauzatzen ari zirenean hil dira", deitoratu du.
Gonzalezen aburuz, "sufrimenduaren biktima guztiak aitortu eta entzun behar ditugu", baita sakabanaketak eragindakoak ere.
Gonzalezen aburuz, "sufrimenduaren biktima guztiak aitortu eta entzun behar ditugu", baita sakabanaketarenak ere.
Gonzalezen esanetan, Memoria eta Bizikidetza Lantaldean egindako agerraldia lantaldearen beraren aitorpenerako "lehen urratsa" izan daiteke; eta halaber, sakabanaketaren biktimek gainerako biktimek duten aitortza eta onarpen "berdina" izateko helburua lortzeko balio dezake.
Txostenean parte hartu ez duten kaltetuen zenbait taldek egindako kritiken harira, "biktima bakar batek ere ez, ez luke sufrimendua bere egin beharko", esan du Gonzalezek.
PPk eta biktimen zenbait elkartek Gonzalezen agerraldia kritikatu dute, bere agerraldiarekin nolabait ETA "legitimatu" daitekeela uste baitute. Alderdi Popularrak ez du txostenean parte hartu.
Josu Elespek, berriz, ez ditu adierazpenik egin izan nahi.
Zure interesekoa izan daiteke
Aragoiko parte-hartzea % 40,26koa izan da 14:00etan
Jarduneko gobernu autonomikoak parte-hartzearen inguruan emandako lehen datuen arabera, 107.040 aragoiarrek eman dute botoa lehen bi orduetan. Hautagai gehienek ere eman dute botoa, eta denek egin dute hauteslekuetara joateko deia.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.