Urriaren 1ean eskolak zabaltzea eskatu dute Kataluniako hezkuntza eragileek
Estatuak “ikastetxe guztiak zigilatzeko” agindua eman badu ere, urriaren 1eko erreferendumean eskolak zabaltzea eskatu du Josep Maria Cervello SomEscola.cat plataformako bozeramaileak.
“Datorren igandean normaltasuna nagusitzeko ahal dugun guztia egiteko konpromisoa hartu dugu, kataluniar guztiak hauteslekuetara joan ahal izateko, euren iritzia askatasunez agertzeko, bata ala bestea izan, hautestontzian botoa emateko”, adierazi du prentsaurrekoan. SomEscola.cat plataforma 40 bat irakasle, ikasle eta guraso elkartek eta sindikatuk osatzen dute. ‘Eskolak demokraziari zabaldu ditzagun’ manifestua irakurri du Cervellok.
Larunbata baino lehen ikastetxeak zigilatzeko agindua eman du Fiskaltzak, baina urriaren 1ean zentroak irekitzeko dei egin du Cervellok. “Beharrezkoa denean hor egongo gara”, erantsi du.
Irakasleak, sindikatuak, zuzendariak eta ikasleak Kataluniako gizartearen isla direla nabarmendu du Cervellok. Ekimenarekin bat egin nahi duten pertsonak www.escolesobertes.eu webgunean izena ematea eskatu du.
“Adierazpen askatasuna” bermatzeko modu baketsuan eta masiboan herritarren mobilizazioa aldarrikatu du Cervellok, “adierazpen askatasuna arriskuan dagoelako”. Horregatik, “eskolaz eskola, hauteslekuz hautesleku ilarak antolatzea” eskatu du, “mundu guztiak bozkatzea bermatzeko”.
Cervelloren hitzetan, urriaren 1ean zentro bakoitzean egingo diren ekimenak eskola bakoitzak erabaki beharko du, baina ekimen ugari martxan jartzen ari direla gaineratu du.
“Mehatxupean ikastetxeak debeku eta zigilatze toki bihurtu nahi dituzte. Eskola leku argitsua izatea nahi dugu, ez iluna”, defendatu du Cervellok. Mobilizazioa garaipen kolektiboa izango dela uste du.
Rajoyri erantzuna
Kataluniako ikastetxeak doktrinamendu zentroak direla aditzera eman zuen Mariano Rajoy Gobernuko presidenteak. Cervelloren ahotan, “gezurra eta iraina” da. Oinarriak frankismoaren aurkako klandestinitatean jarri zituztela gogorarazi du.
“Frankismoan ikasi zuen ume bat naiz. Rajoy frankisten semea da eta eskola haren oroitzapen atseginagoa izan dezake”, azpimarratu du.
Albiste gehiago politika
Kongresuak atzera bota du migrazio eskumena Kataluniako Gobernuaren esku uzteko Juntsek eta PSOEk adostutako lege proposamena
Podemosek lege testuaren aurka bozkatu du PPrekin eta Voxekin batera, "arrazista" dela iritzita. Horiei Sumarreko bi diputatu batu zaizkie, boto diziplina hautsita. Miriam Nogueras Juntseko bozeramaileak muturreko eskuina eta muturreko ezkerra kritikatu ditu Kataluniaren aurkakoak direla iritzita.
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.