Milaka katalan bildu dira karga polizialen aurka protesta egiteko
Milaka pertsona bildu dira Bartzelonako Sant Jaume plazan egindako kontzentrazioan, Carles Puigdemont Generalitateko presidentea eta Ada Colau Bartzelonako alkatea buru, Kataluniako erreferenduma galarazteko atzo egindako karga polizialen aurka protesta egiteko.
Plaza erdian jarri dira Puigdemont eta Colau, Gobernuko eta Bartzelonako Udaleko beste zenbait kiderekin batera. Besteak beste, Oriol Junqueras, Jordi Turull eta Gerardo Pisarello ere izan dira protestan.
Bertan bildutakoek txalo artean hartu dituzte agintariak, eta "Bozkatu dugu", "Independentzia", "Ez dugu beldurrik" eta "Jende baketsua gara, bozkatu bakarrik nahi genuen" oihukatu dute.
Generalitateko Osasun Departamentuak 893ra igo du Kataluniako erreferendumaren egunean, urriaren 1ean, karga polizialen ondorioz zauritutako herritarren kopurua. Horietako bi ospitaleratuta daude, departamentu horretatik ohar baten bidez jakitera eman dutenez.
Kargetan sexu-erasoak egitea leporatu dio Colauk Poliziari
U-1eko erreferenduma ekiditeko kargetan "sexu-erasoak" egitea leporatu die Ada Colau Bartzelonako alkateak Espainiako Estatuko segurtasun indarrei.
"Sexu-erasoen biktima izan ziren hainbat emakumeren testigantzak heldu zaizkigu. Kasu bat baino gehiago dago. Lekuko zuzen bat dugu, adibidez, Barcelonetan", azaldu du. "Atzokoa ez Poliziaren ohiko jokaera izan", nabarmendu du.
Karga polizialetan zauritutako pertsonei Bartzelonako Udalak laguntza juridikoa eskaintzen diela iragarri zuen atzo Colauk Twitterren bitartez. Bestalde, eskoletako kalteak konpontzeko ere eskatu dio Bartzelonako alkateak Espainiako Gobernuari.
Gaitzespen kontzentrazioa Kataluniako Parlamentuan
Kataluniako Parlamentuan, Came Forcadell Kataluniako Parlamentuko presidentea izan da diputatuen eta Ganberako langileen kontzentrazioan buru, urriaren 1eko indarkeria poliziala gaitzesteko.
Bilkura 12:00etan hasi da, eta txaloka hartu dute Forcadell, Ganberatik atera denean. Bartzelonako Parc i Jardinseko langileak ere bertan egon dira, protestan. Ciutadellako parkean eta beste zoo batzuetan egiten dute lan.
Hauek ere batu zaizkie: Lluis Corominas JxSiko presidentea, Mireia Boya, Gabriela Serra eta Albert Botran CUPeko diputatuak, David Perez Mahaiko bigarren idazkaria, Raul Moreno lankidearekin batera, eta Germa Gordo diputatua.
Zure interesekoa izan daiteke
Hauteskunde eguna dute bihar Aragoin, PP-Vox lehia nola geratuko den ikuskizun
Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko. Hain zuzen ere, gorakada aurreikusi diete Vox, Chunta Aragonesista (CHA) eta IU-Sumar alderdiei; PSOEk, aldiz, behera egingo du, betiere galdeketen arabera.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.