Lanuztea Katalunian, polizia indarkeria salatzeko
Demokraziaren Aldeko Mahaiak lanuztea deitu du astearte honetarako Katalunian, urriaren 1eko erreferenduma galarazteko Guardia Zibilak eta Espainiako Polizia Nazionalak herritarren kontra erabili zuten indarkeria salatzeko.
Kataluniako Gobernuak emandako datuen arabera, 893 pertsona zauritu ziren Espainiako segurtasun indarren oldarraldi bortitzen ondorioz.
Demokraziaren Aldeko Mahaiak gizarte zibilaren eragile ugari biltzen ditu, hala nola, sindikatuak, elkarteak eta bestelako taldeak.
"Atera gaitezen kalera eta eman dezagun erantzun baketsua, irmoa eta demokratikoa. Ez dugu eraso gehiagorik onartuko. Indar polizialak berehala alde egitea eskatzen dugu", dio Demokraziaren Aldeko Mahaiak deialdiaren berri emateko zabaldutako oharrak.
Deialdiak atxikimendu ugari jaso ditu; alderdi politikoena, sindikatuena, kirol taldeena, gizarte eragileena, unibertsitateena, ikastetxeetan eta kulturgileena, tartean.
ERC eta PDeCAT alderdietako bozeramaileak ez dira Espainiako Kongresuko Bozeramaileen Batzordean izango. Hain zuzen ere, bilera horretan erabakiko dute Mariano Rajoyk Kataluniako egoerari buruzko azalpenak emateko egingo duen agerraldia noiz izango den.
En Comú Podem taldeko ordezkariek ere egingo dute bat lanuztearekin, eta, beraz, ez dira Kongresuan eta Senatuan egongo.
CUPek ere bat egin du deialdiarekin, eta grebara jotzeko eskatu die herritarrei.
Kataluniako Alderdi Sozialistak (PSC) ez du protesta babestu, baina askatasuna eman die bere kargudun eta afiliatuei lanuztea egin edo ez erabakitzeko.
Kataluniako CCOO eta UGT sindikatuek, bestalde, ez dute deialdiarekin bat egin, baina urriaren 1ean segurtasun indarrek egin zituzten gehiegikeriak salatzeko astearte honetan izango diren mobilizazioetan parte hartzeko deia egin dute.
Medikuen sindikatu nagusiak iragarri du poliziaren indarkeria gaitzesteko antolatu den lanuztearekin bat egingo duela.
Bartzelona, Espanyol, Girona eta Nastic futbol taldeek ere, bat egin dute protestarekin.
Ohar baten bidez, Bartzelonak jakinarazi du kluba itxita egongo dela, eta Joan Gamper Kirol Hirian ez dela entrenamendu saiorik izango.
Kataluniako unibertsitateek ere, lanuztea egingo dute. Bartzelonako Unibertsitate Autonomoan, adibidez, ez da klaserik izango.
Generalitateko Hezkuntza Kontseilaritzak lanuzteak egiteko askatasuna eman die Haur Hezkuntzako eta Lehen Hezkuntzako irakasleei.
Bartzelonako Portuko zamaketariek batzarra egin dute arratsaldean, eta protestarekin egitea erabaki dute, “Kataluniako eskubide zibilen defentsan”.
Zure interesekoa izan daiteke
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.
Andaluziak 2026ko maiatzaren 17an egingo ditu hauteskunde autonomikoak
Juanma Moreno presidenteak hilabete aurreratu ditu hauteskundeak; izan ere, legegintzaldia ekainean amaitzea aurreikusita zegoen.
Pradalesek ausardiaz jokatzeko garaia dela esan die euskal enpresei
Irango gerrak Euskadiko ekonomian izango duen eraginaz kezkatuta agertu da lehendakaria, ULMA enpresara egin duen bisitan. Onartu egin du hurrengo asteak eta hilabeteak ez direla errazak izango, baina nabarmendu du Europako berrindustrializazioari ekarpen handia egin diezaioketela euskal enpresek.
PPk zer erabaki jakin arte, Gobernua Juntsen menpe egongo da Irango gerraren ondorioak arintzeko beherapen fiskalen dekretua aurrera ateratzeko
Podemosek adierazi du ez duela neurri sortaren aurka egingo, baina uste du ezin duela aldeko botorik eman, beherapen fiskalak ezartzea "prezioen igoerari aurre egiteko bidea" ez delakoan. Hala, abstenitu egingo dela jakinarazi du.
Nafarroako Parlamentuak atzera bota ditu UPNk eta PPk Korrikaren aurka aurkeztutako bi adierazpen instituzional
Taldeen bozeramaileek agerian utzi dituzte euren arteko desadostasunak, euskararen aldeko lasterketan ETAko presoen argazkiak erakustearen eta Korrikaren beraren inguruan.