Trapero, Sanchez eta Cuixart aske gelditu dira, kautelazko neurririk gabe
Josep Lluis Trapero Esquadra Mossoen burua, Jordi Sanchez ANCko presidentea eta Jordi Cuixart Omnium Culturaleko presidentea Auzitegi Nazionalera joan dira, sedizio delitua egotzita deklaratzera. Teresa Laplana Esquadra Mossoen intendenteak bideokonferentzia bidez deklaratzeko baimena zuen, osasun arrazoiengatik. Laurak aske gelditu dira eta Auzitegi Nazionalak ez du lauren kontrako kautelazko neurririk hartu. Dena den, Fiskaltzak dokumentazio berria aurkeztu du eta litekeena da berriz ere epaile aurrean deklaratu behar izatea.
Iturri juridikoek jakinarazi dutenez, Fiskaltzak ez du kautelazko neurririk eskatu lau auzipetuentzat eta guztiak aske gelditu dira.
Guardia Zibila Generalitateko hainbat egoitzatan sartu eta Kataluniako Gobernuko 14 goi-kargudun atxilotu ostean, milaka herritar kalera atera ziren irailaren 20an eta 21ean. Herritarrak ia 48 orduz egon ziren protestan Ogasun eta Ekonomia Kontseilaritzaren egoitzaren aurrean, harik eta atxilotuak askatu eta miaketak amaitu arte.
Protesta horien atzean sedizio delitua egon zela iritzita, ikerketa zabaltzeko eskatu zion fiskalak, salaketa bidez, Auzitegi Nazionaleko epaileari. Espainiako Zigor Kodearen 544. artikuluaren arabera, sedizioa ordena publikoaren kontrako delitua da.
Deklarazioak hasi aurretik, Fiskaltzak irailaren 20 eta 21eko protesten inguruko dokumentazio berria aurkeztu du eta litekeena da lau auzipetuak berriz deklaratzera deituak izatea, Auzitegi Nazionaleko iturriek zabaldu dutenez. Hori dela eta, deklarazioak bertan behera uztea eskatu dute hainbat auzipetuk, baina Traperok deklaratu egin nahi zuen eta azkenean deklarazioei eusteko erabakia hartu du Carmen Lamela Auzitegi Nazionaleko epaileak.
Teresa Laplana Esquadra Mossoen intendentea izan da epailearen aurrean deklaratzen lehena, eta bideokonferentziaz egin du, osasun arazoak argudiatuta. Auzitegi Nazionaleko iturrien esanetan, Laplanak ez du ia apenas deklaratu bere osasun egoera tarteko.
Josep Lluis Trapero Auzitegi Nazionalera iritsi den unea. Argazkia: EFE
Segidan, Josep Lluis Traperoren txanda izan da. Bera izan da Auzitegi Nazionalera iristen lehena, 08:30ean, eta Mossoen uniformearekin heldu da. Traperok epailearen aurrean azaldu duenez, irailaren 20an mossoek Guardia Zibilaren dispositiboa babesteko izandako jokabidea "zuzena eta beharrezkoa" izan zen kontuan izanda ez zietela aldez aurretik abisatu. Gainera, ukatu egin du inolako deliturik egin izana.
Ohar bidez Esquadra Mossoek jakinarazi dutenez, Traperok epaileari esan dio mossoen jokabidea "zuzena eta beharrezkoa" izan zela egun hartako baldintzak kontuan izanda. Mossoen buruak ziurtatu duenez, ez zieten nahikoa aurrerapenez abisatu eta ez zuten dispositiboa planifikatzeko denborarik izan, ondorioz, dispositiboa unean uneko egoeraren arabera moldatu behar izan zuten. Are gehiago, Guardia Zibilaren operazioaren berri hedabideen bitartez jakin omen zuten mossoek.
Jordi Sanchez Auzitegi Nazionalera iritsi den unea. Argazkia: EFE
Deklaratzen hurrengoak Sanchez eta Cuixart izan dira. Jordi Sanchez ANCko presidenteak bere abokatuaren galderei soilik erantzun die eta Jordi Cuixart Omnium Culturaleko buruak, berriz, ez du deklaratu Fiskaltzak aurkeztutako dokumentazio berriaren zain. Jordi Sanchez eta Jordi Cuixart 08:50 aldera, bakoitza bere aldetik, iritsi dira Auzitegi Nazionalera.
Irteeran Auzitegi Nazionalaren atarian zeuden kazetarien aurrean Sanchezek eta Cuixartek ziurtatu dutenez, ez dute inolako irregulartasunik egin eta ez diote beraiek epaitzeko eskumenik aitortzen Auzitegi Nazionalari. Bietako inork ez die erantzun fiskalaren galderei; aitzitik, Sanchezek bere abokatuaren galderei erantzun die "Kataluniako hiritarren parte handi baten mobilizazio baketsu baten legitimitatea argi eta garbi uzteko". Haren esanetan, manifestarien artean "ez zegoen Konstituzioaren aurka egiteko inolako asmorik".
Jordi Cuixart Auzitegi Nazionalera iritsi den unea. Argazkia: EFE
Auzitegi Nazionalera iritsi direnean, PDeCat, ERC, EAJ, EH Bildu eta Podemoseko hainbat diputaturen babesa jaso dute.
Trapero, Sanchez, Cuixart eta Laplanari sedizio delitua leporatzen diete, eta, hori dela eta, 15 urte arteko kartzela-zigorra ezar diezaiekete.
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.