Traperok, Sanchezek eta Cuixartek bigarrenez deklaratuko dute gaur
Josep Lluis Trapero Esquadra Mossoen burua, Teresa Laplana Esquadra Mossoen intendentea, Jordi Sanchez ANCko presidentea eta Jordi Cuixart Omnium Culturaleko presidentea Auzitegi Nazionalera deklaratzera deitu dituzte berriz ere astelehen honetan, ustezko sedizio delitua ikertzeko Carmen Lamela epaileak abiatutako ikerketaren harira.
Guardia Zibilak epailearen esku utzitako datu berriek eragin dute bigarren deklarazio hau. Zehazki, Katalunian irailaren 20ean eta 21ean eta urriaren 1eko erreferendumean gertutakoaren inguruan Guardia Zibilak egindako atestatuetan bildutako datuak dira.
Lamela epaileak jada deklarazioa hartu zien urriaren 6an, baina egun horretan bertan Guardia Zibilak txosten berriak aurkeztu zituen. Horietan jasotzen denez, laurak independentziaren estrategiaren baitan Kataluniako Gobernuaren organigramako kide ziren. Guardia Zibilaren txosten horrek independentzia lortzeko bi batzorde zehazten ditu: estrategikoa (bertan egongo lirateke Sànchez eta Cuixart) eta exekutiboa (Mossoek bideratuta). Beraz, Mossoek Generalitatearen egoitzen erregistroetan eta urriaren 1eko erreferendumean izandako paperaz galdetu nahi du epaileak; Sanchezen eta Cuixarten kasuan, independentzia planaren diseinuan izandako paperaren inguruan.
Sedizio delitua
Epaileak ikertzen duen ustezko sedizio delitua irailaren 20an eta 21ean izan zen (nahiz eta atestatuan urriaren 1a jaso duten). Guardia Zibilaren arabera, Mossoen jarreran "gelditasun argia" egon zen, bai Generalitateko egoitzen miaketen kontrako mobilizazioetan eta baita erreferendumean ere. Sànchezek eta Cuixartek, berriz, "jendetza oldartu" zuten, protestara deituta, Guardia Zibilaren txostenean jasotzen denez.
Lekukoak
Sedizioa dela-eta ikertutako lau lagunekin batera, epaileak beste hiru lekuko deitu ditu deklaratzera astelehen honetan: bi guardia zibil eta miaketak deitu zituen Bartzelonako epaitegiko idazkari judiziala.
Zure interesekoa izan daiteke
Aragoin parte-hartzea % 40,26koa izan da 14:00etarako
2023ko bozetan izandako datuaren oso antzekoa da, % 0,06 hazi baita. Zortzi hautagaiek eman dute botoa jada, eta denek egin dute hauteslekuetara joateko deia.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.