Forcadell: 'Estatu-kolpea gorabehera, ez dugu atzerapausorik emango'
Carme Forcadell Kataluniako Parlamentuko presidenteak larunbat honetan esan du Mariano Rajoy Espainiako Gobernuko presidenteak "muga guztiak gainditu" dituela "estatu-kolpea" iragarrita, Konstituzioaren 155. artikuluaren babesarekin neurriak onartuta, "konstituzioaren aurka nabarmen eroriz", eta "ez ditugu onartuko", azpimarratu du.
Espainiako Gobernuak Katalunian legezkotasuna berrezartzeko onartutako neurrien ostean, Kataluniako ganberan egin duen deklarazio instituzionalean, Forcadellek esan du Ministroen Kontseiluan onartutako neurriak ez datozela "legezkotasunarekin bat, ezta legitimitate politikoarekin ere, eta katalan gehienen babesik ez" dutela gaineratu du.
“Konstituzioaz hitz egiten aho bete hortz dabiltzanak Konstituzioaren aurka eroriko dira, Katalunian demokrazia bertan behera geratzea nahi izanda", adierazi du Kataluniako Parlamentuko presidenteak.
Forcadellek kritikatu du Rajoyk "arduragabekeria politiko izugarriarekin" erantzun diola Generalitatearen elkarrizketa eskaintzari, "muga guztiak gaindituz", "estatu-kolpea" iragarrita, "Kataluniako erakundeen jabe egiteko asmoarekin".
'Kolpea demokraziarentzat'
Kataluniako Parlamentuko presidentearen hitzetan, "demokraziari kolpea" eman zaio XXI. mendeko Europan, "demokratikoki aukeratutako gobernu batekin amaitzeko asmoz", "kolpe autoritarioa" EBko kide den Estatu baten aldetik. Halaber, "Kataluniako Parlamentuarekin eta horren ordezkariekin amaitu" nahi duela gaineratu du.
Forcadellen ustez, Rajoyk gaur adostutako neurriekin Kataluniako Parlamentuak "demokratikoa izateari uztea" nahi du, inbestidura eztabaidak edota kontrol saioak ekidinez, eta, horren haritik, "ez dugu onartuko", ziurtatu du.
Testuinguru honetan, "itxaropen mezua" helarazi nahi izan die katalan guztei: "Kataluniako erakundeei egindako erasorik larrienaren aurrean, Parlamentuaren subiranotasuna, haren eskuduntzak eta diputatuen eskubideak babesteko konpromisoa hartzen dugu, baita demokrazia irmoa defendatzekoa ere", gatazka politikoak "politikoki konpontzen" direlako.
Hori dela eta, Forcadellek esan du ez dutela "atzerapauso bat bera ere egingo", katalanek demokratikoki aukeratutako "legezko ordezkariekin".
Zure interesekoa izan daiteke
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.