Prentsa askatasunaren 'bahiketa' salatu dute Kataluniako hedabide publikoek
Kataluniako telebista publikoko (TVC), Catalunya Ràdioko eta Kataluniako albisteen agentziako (CAN) langileek manifestu bateratu bat argitaratu dute gaur, Espainiako Gobernuak hedabide publikoak esku-hartuko dituela iragarri ostean. Ildo horretan, prentsa askatasuna "bahitu" nahi izatea egotzi diote Espainiako Gobernuari. Ildo horretan, esku-hartze mehatxua hiritarren kontrako erasoa dela eta horiek informaziorako duten eskubidea urratzen duela.
Kataluniako Ikus-entzunezkoen hedabideen korporazioak, Kataluniako albisteen agentziak, TVC, Catalunya Ràdio eta Kataluniako albisteen agentziako enpresa batzordeek, eta TVC zein Catalunya Ràdioko kontseilu profesionalek sinatu dute gaur goizean TVCren Sant Joan Despíko egoitzan aurkeztu duten manifestua.
Hedabide publikoetako profesionalek zazpi hizkuntzatan irakurri dute manifestua: katalanez, araneraz, gazteleraz, euskaraz, galizieraz, ingelesez eta alemaneraz. Halaber, ekitaldian izan dira Vicent Sanchis TV3eko zuzendaria, Saül Gordillo Catalunya Ràdioko zuzendaria eta Marc Colomer CANeko zuzendaria.
Ohartarazi dutenez, "Espainiako Gobernuaren esku hartze mehatxua hiritarren kontrako erasoa da eta horiek informazio egiazkoa, objektiboa, anitza eta orekatua jasotzen duten eskubidea urratzen du".
"Gobernu batek hedabide hauen funtzionamenduan eskua sartzea eta kontrolatzea inboluziorako duen borondatearen erakusle da: Gobernuaren kontrolak prentsa askatasuna bahitzen du", nabarmendu du manifestuak.
Testuaren irakurketaren ostean TV3ko zuzendariak adierazi duenez, Espainiako Gobernuak hedabide publikoetan esku hartuz gero "helburua lana egiteko askatasuna mantentzea eta profesionalek orain arteko gaitasun berdinekin lan egitea izango da, orain arte bezala aniztasuna eta egiazkotasuna bermatzeko".
Bestalde, Saül Gordillo Catalunya Ràdioko zuzendariak azpimarratu duenez, irrati publikoko enpresa batzordeak eta kontseilu profesionalak esana dute ez dutela 155. artikuluaren aplikazioaren ondotik izendatutako inoren agindurik obedituko.
Albiste gehiago politika
Sarek manifestazioa deitu du Donostiako Aste Nagusiko azken egunerako, presoen etxerako bidea "indartu eta arintzeko"
Asteazken honetan emandako prentsaurrekoan, Beñat Uribe-Etxeberria Sareren bozeramaileak adierazi du mobilizazioa eginda "aldarrikapena txertatu" nahi dutela jaiegun horietan. Hala, manifestazioa deitu du Donostiako Aste Nagusiko azken egunerako, abuztuaren 16rako, presoen etxerako bidea "indartu eta arintzeko".
Miguel Tellado eta Aitor Estebanen arteko tira-bira, Cerdanen afera eta curriculum makillatuak direla eta
Asteartean argitaratutako elkarrizketa batean Cerdanek egindako baieztapenek eragin dute bi politikarien arteko hizka-mizka.
Nafarroako herri-lanak ikertzeko batzordeak 40 pertsona deituko ditu
Horien artean, Antxon Alonso, Koldo Garcia eta Santos Cerdan daude, baina atzera bota dituzte Maria Chivite, Uxue Barkos, Yolanda Barcina eta Jose Luis Abalosek agerraldia egiteko eskaerak. Agerraldiak urriaren erdialdean hasiko dira.
Santos Cerdanek errugabea dela adierazi du: "Ez dut UCOk esan duen ezer egin"
'La Vanguardia' hedabideak egindako elkarrizketa batean, PSOEko Antolakuntza idazkari ohiak esan du bera ez dela Koldo edo Jose Luis Abalosekin izandako elkarrizketetan egon, eta gaineratu du hura ez omen dela bere ahotsa.
Nafarroako PPren presidenteak curriculumeko datu faltsu bat zuzendu du Parlamentuaren webgunean
'Diario de Noticias' egunkariaren arabera, Javier Garciak bere fitxa aldatu du Nafarroako Parlamentuan, inoiz egin omen ez duen gradu baten izena aldatzeko.
De Andresek EAJri eta PSEri ohartarazi die ez dela bateragarria EH Bilduren "bikotekide izatea" eta poliziari eraso egiten dietenen aurka egotea
EAEko PPren presidenteak "etikoki argiago" jokatzea eskatu die bi alderdiei, "ezinezkoa delako" koalizio abertzalearen "bikotekide izan", eta Ertzaintzari eraso egiten diotenen "aurka" daudela esatea.
PPk onartu du Madrilgo Biltzarraren presidenteorde Ana Millan ez dela Politika Zientzietan lizentziaduna
Noelia Nuñez popularrak, Jose Maria Angel Valentziako sozialistak eta Ignacio Higuero Extremadurako kontseilariak dimisioa eman dute azken asteetan, euren ikasketei buruzko informazio ofiziala faltsua omen da eta.
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kendu" baitio. Alkateak hitzok esan ditu Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.