PDeCATek eta ERCk parte hartuko dute abenduaren 21eko hauteskundeetan
PDeCATek eta ERCk astelehen honetan iragarri dutenez, aurkeztu egingo dira Katalunian abenduaren 21ean egingo dituzten hauteskundeetara; hala esan dute PDeCATeko koordinatzaile nagusi Marta Pascalek eta ERCko bozeramaile Sergi Sabriak. PDeCATek esan dio Mariano Rajoy Espainiako Gobernuaren bozeramaileari "hautestontzietan" ikusiko dutela elkar; izan ere, alderdia ez da boto-kutxen beldur. ERCk, bitartean, adierazi du hauteskunde horiek "ez-legitimoak" direla.
Horrela, PDeCATeko koordinatzaile nagusi Marta Pascalek iragarri du bere alderdiaren zuzendaritza-batzordea Espainiako Gobernuak abenduaren 21erako deitu dituen hauteskundeetan parte hartuko duela: "Rajoy jauna, hautestontzietan ikusiko dugu elkar", esan du.
"Ez gara boto-kutxen beldur. Boto-kutxak aukera bat dira, gure herrialde-proiektuaren alde egiteko abagunea, alegia", esan die komunikabideei, alderdiaren egoitzan egindako Zuzendaritza Batzordea amaituta.
Pascalek ez du zehaztu nola aurkeztuko diren hauteskundeetara, edo zein hautagai egongo diren balizko hauteskunde-zerrendetan; hala ere, esan du adostu behar dutela "aukerarik onena", xede izanik "alderdi subiranistek beste gehiengo bat osatzea, esateko ez dugula onartuko 155.aren plebiszitua".
ERC ere aurkeztuko da
Halaber, Sergi Sabria ERC alderdiko bozeramaileak jakinarazi duenez, bere alderdiak abenduaren 21eko hauteskundeetan parte hartzeko asmoa dauka, legez kontrako hauteskundeak direla uste arren, Mariano Rajoy Espainiako Gobernuko presidenteak deitu dituelako eta ez Generalitateko presidenteak.
"Kataluniarrei urnak ez gaituzte beldurtzen. Boto-kutxei ez diegu inoiz, beraiek egin zuten bezala, eraso egin, defendatzen baititugu. Parte hartzen saiatuko gara, hautagaitza aurkeztuta edo beste modu batean", azaldu du alderdiaren Batzorde Iraunkorraren bileraren ostean.
Hori horrela, ez dute zehaztu hautagaitza aurkeztuko duten ala ez, baina errepublikanoak hauteskundeetan eragitea bilatuko dutela argi dute. Hori dela eta, datozen hauteskundeetan Kataluniako alderdi errepublikano guztiak biltzen dituen "errepublikanoen batasuna" hautagaitza aurkeztea ez dute baztertzen.
Sabria ez da xehetasunetan sartu eta ez du azaldu Junts pel Si moduko zerrenda bakarreko hautagaitza berriro aurkeztuko duten edo ez, baina, nolanahi ere, “batera hartutako erabakia” izatea espero duela esan du.
Kataluniako Parlamentuaren deuseztapenaren harira, Sabriak esan du ERCek ez duela hori onartzen eta Carme Forcadell presidenteak Bozeramaileen Bilera bertan behera utzi badu bere borondatez kontra egin duela uste du.
Bestalde, Jose Manuel Maza Estatuko fiskalak iragarritako kereilen inguruan, “normaltasunera itzuli nahi dutela esan arren, estrategia bakarra dute: errepresioa” esan du Sabriak.
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.