Espetxe eskumena eskatu dio Eusko Legebiltzarrak Espainiako Gobernuari
Eusko Legebiltzarrean ordezkaritza duten talde guztiek, PPk salbu, espetxe eskumena Euskadira eskualdatzeko eta negoziazioak "lehenbailehen" hasteko eskatu diete Eusko Jaurlaritzari eta Espainiako Gobernuari, Gernikako Estatutuak dioena betetzeko.
EAJk, EH Bilduk, Elkarrekin Podemosek eta PSEk adostu duten zuzenketa onartu dute gaurko osoko bilkuran. PPk, ostera, kontrako botoa eman du.
Eztabaidan zehar, Eusko Legebiltzarrak Espainiako Gobernuari legea bete dezala eskatzea "tristea" eta "penagarria" dela azpimarratu du Joseba Zorrilla EAJko legebiltzarkideak. "Elkarrizketa, negoziazioa eta legea betetzea bakarrik eskatzen da", gaineratu du legebiltzarkide jeltzaleak. Gainera, ausarta izateko eta Rajoyren Gobernuari eskualdatzea eskatzeko galdegin dio Euskadiko PPri.
Jone Goirizelaia EH Bilduko legebiltzarkideak nabarmendu duenez, Mariano Rajoyren Gobernuak behin eta berriro errepikatzen du legeak errespetatu eta bete egin behar direla, baina Gernikako Estatutua ez du betetzen. Goirizelaiaren esanetan, EH Bilduren babesa ez da "txeke txuri bat" eta koalizioa zelatan egongo dela gaineratu du.
Juan Luis Uria Elkarrekin Podemoseko legebiltzarkidearen hitzetan, espetxeen eskumena eskualdatzea ezta "gutizia" bat, Gernikako Estatutuan jasotako eskaera bat baizik. Halaber, Legebiltzarkideak lortutako adostasun zabala goraipatu du.
PSE-EEko Alexia Castelok, ostera, aipaturiko eskumena eskualdatzeko negoziazioak ez atzeratzeko eskatu du. Haren esanetan, espetxe eskumena EAJren eta PSE-EEren gobernu akordioan jasotako lehentasunetako bat da, eta sozialistak beti egon izan dira Gernikako Estatutua osorik betetzearen alde.
Amaitzeko, Nerea Llanos PPko legebiltzarkideak "noiz eta nola" erabakitzea Espainiako Gobernuari eta Eusko Jaurlaritzari dagokiela ziurtatu du. Gaineratu duenez, espetxe eskumena izateak ez du esan nahi gauzak hobeto egingo direnik.
Eusko Jaurlaritzaren arabera, Espainiako Gobernuak 37 eskumen Euskadira eskualdatzea falta da Gernikako Estatutua osorik betetzeko, eta horietako bi, espetxeetakoa eta gizarte segurantzakoa lehentasunak dira EAJ-PSE gobernu koalizioarentzat.
Zure interesekoa izan daiteke
Aragoin parte-hartzea % 40,26koa izan da 14:00etarako
2023ko bozetan izandako datuaren oso antzekoa da, % 0,06 hazi baita. Zortzi hautagaiek eman dute botoa jada, eta denek egin dute hauteslekuetara joateko deia.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.