Puigdemont eta Junqueras 'politikoki inhabilitatuta' daude, Rajoyren ustez
Mariano Rajoy Espainiako Gobernuko presidentearen ustez, Carles Puigdemont presidentea eta Oriol Junqueras kontseilari kargugabetua "politikoki inhabilitatuta" daude, abenduaren 21eko hauteskundeetara aurkez daitezkeen arren; izan ere, Rajoyk berak aitortu duenez, epaile batek bakarrik ken dezake politikan aritzeko gaitasuna.
Cope irrati kateari elkarrizketa eskaini dio goizean PPko buruzagiak, eta Katalunia izan du hizpide nagusia. Horren ustez, Kataluniako Gobernu kargugabetuak "legeari eta Zuzenbide Estatuari zaplaztekoa" eman die, eta "ez du leialtasun konstituzionalarekin jardun". "Kataluniako herritarrak engainatu dituzten guztiak niretzat politikoki inhabilitatuta daude. Engainu handi baten kronika izan da honakoa". Alabaina, gaitasungabetzea epaile batek bakarrik egin dezakeela aitortu du.
Puigdemonten azken adierazpenak ere ahotan eduki ditu Rajoyk: "Orain dio independentzia ez den beste irtenbiderik badagoela. Hara, bada lehenago esan zezakeen".
PPko buruzagiak nabarmendu du "lanean" ari direla abenduaren 21ean independentziazaleek irabazi ez dezaten. "Jendeak kontuan hartuko ditu Puigdemonten eta enparauen gezurrak", ohartarazi du.
Indar subiranistek hauteskundeak irabaziko balituzte ere, bere legealdia ez litzatekeela bukatuko esan du Rajoyk, agintaldiak lau urtekoak izan behar direla uste baitu, herritarrei "normaltasuna eta segurtasuna" emateko.
Rajoyren iritzian, ekonomia bospasei hamarren igo daiteke Katalunia "normaltasunera itzultzen denean".
"Errepresioa eta mendetasuna" aplikatzea leporatu dio Puigdemontek Rajoyri
Bestalde, “errepresioa eta mendetasuna” aplikatzea egotzi dio Carles Puigdemont presidentak Rajoyri. Kataluniaren “askatasun grina” ezin daitekeela “espetxeratu” adierazi du Puigdemontek.
Buruzagiak Belgikan jarraitzen du, eta mezua Twitter sare sozialaren bidez zabaldu du.
“Legezkotasuna predikatu, baina errepresioa eta mendetasuna aplikatzen dute. Nahiz eta harresiak oso garaiak izan, herri batu eta ausart baten askatasun grina ezin daitekeela espetxeratu ez dute ulertu oraindik”, idatzi du Puigdemontek.
Zure interesekoa izan daiteke
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.