Jordi Sanchez bigarrena izango da Puigdemonten hautagaitzan
Jordi Sanchez ANCko presidentea Junts per Catalunya alderdiaren bigarren zerrendaburua izango da, Carles Puigdemonten atzetik, Efek zabaldutakoaren arabera. ANCko burua urriaren 16tik dago espetxeratuta, sedizio delitua leporatuta.
Ostegun honetan Soto del Real espetxetik jakinarazi duenez, Kataluniako Asanblea Nazionalaren presidentzia utziko du Junts per Catalunya alderdiaren zerrendan joateko.
Orain dela bi urte eta erdi aukeratu zuten Sanchez ANCko presidente, eta horren estatutuen arabera, urtarrilaren edo apirilaren artean utzi behar zuen kargua.
"Horregatik, agian, eta urriaren 27tik (Kataluniako Parlamentuak independentzia aldarrikatu zuen egunetik) herriak bizi duen ezohiko egoera dela eta, Puigdemontek egindako eskaera onartu eta alderdiarekin bat egitea erabaki dut, Kataluniako Errepublikaren alde lan egiten jarraitzeko", esan du Sanchezek.
Junts per Catalunya alderdian, Sanchez bezalako independentistek protagonismo handia izango dute, eta PDeCATekoek, aldiz, garrantzia galduko dute.
Abenduaren 21eko hauteskundeei begira, PDeCAT alderdiko batzorde nazionalak zerrenda osatzeko askatasuna eman dio Puigdemonti. Hautagaien zerrenda osatzeko epea ostiralean, azaroaren 17an, bukatuko da.
Iturri beraren arabera, Puigdemont Bruselatik ari da Junts per Catalunyaren zerrenda osatzeko lan guztia egiten. Horretarako, bere gobernu taldeko konfiantzazko pertsonen laguntzaren bila ari da; Elsa Artadi Sail arteko Koordinazio zuzendariarena eta Josep Rius Presidentearen Bulegoko zuzendariarena, esaterako.
Jordi Cuixartek ez du hauteskundeetan parte hartuko
Bestalde, Jordi Cuixart Omnium Culturaleko presidenteak (hori ere urriaren 16tik dago kartzelan) hauteskundeetan ez duela parte hartuko berretsi du, bere ustez, izendapena "transbertsala" izan behar delako eta hauteskunde zerrenda batekin "bateraezina" delako.
Albiste gehiago politika
Kongresuak atzera bota du migrazio eskumena Kataluniako Gobernuaren esku uzteko Juntsek eta PSOEk adostutako lege proposamena
Podemosek lege testuaren aurka bozkatu du PPrekin eta Voxekin batera, "arrazista" dela iritzita. Horiei Sumarreko bi diputatu batu zaizkie, boto diziplina hautsita. Miriam Nogueras Juntseko bozeramaileak muturreko eskuina eta muturreko ezkerra kritikatu ditu Kataluniaren aurkakoak direla iritzita.
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.