Milaka eta milaka lagun bildu dira Sanchez eta Cuixart askatzea eskatzeko

Kataluniako herritarrek beste mobilizazio jendetsu bat egin dute, oraingoan ANC eta Omnium elkarteetako buruzagiak libre utz ditzatela eskatzeko.

Sanchez eta Cuixart aske uzteko eskatu dute hamarnaka mila lagunek

Agentziak

2017/10/17 - 22:47

Azken eguneratzea

2017/10/18 - 03:47

200.000 lagun bildu dira bart Bartzelona erdigunean Jordi Sanchez eta Jordi Cuixart ANC eta Omnium elkarteetako presidenteak, hurrenez hurren, "preso politikoak" direla salatu eta biak berehala aska ditzatela eskatzeko.

Mobilizazioa 20:00etan hasi zen, Gracia pasealekuren eta Francesc Macia plazaren artean. Kandelak eskuetan zeramatzatela egin zuten askok eta askok ibilbidea.

Horrez gain, kartel ugari ikusi ziren, goiburu ezberdinekin: "Bi Jordiak, Espainiako Estatuaren preso politikoak, askatu!", "Lagundu Kataluniari", "Salba dezagun Europa" eta "Errepublika orain".

Era berean, askatasunaren aldeko eta Espainiako justiziaren kontrako oihuak ere entzun ziren.

Kataluniako gainerako hiri eta herrietan ere egin zituzten manifestazioak. Mobilizazioak aurreko bezperan deitu zituzten, Carmen Lamela Auzitegi Nazionaleko epaileak Sanchez eta Cuixart baldintzarik gabe espetxeratzeko agindua eman zuela jakin ostean.

Sedizio delitua egotzi die biei, Guardia Zibilak urriaren 1eko erreferenduma galarazteko asmoz egin zuen polizia-operazioa salatzeko irailaren 20an eta 21ean Bartzelonan izan ziren protestak bultzatu izana egotzita.

Alderdi soberanistetako ordezkari ugari izan ziren manifestazioan, hauek tartean: Artur Mas, Marta Pascal, David Bonvehi eta Neus Munte (PDeCAT); Marta Rovira, Gabriel Rufian eta Lluis Llach (ERC); Anna Gabriel, Mireia Vehi, Joan Garriga eta Nuria Gibert (CUP); eta Santi Vila eta Joaquim Forn kontseilariak.

Bartzelona manifestazioa EFE

200.000 lagun bildu ziren Bartzelonan, Udaltzaingoaren arabera. Argazkia: EFE

Silvia Bel aktoreak irakurri zuen ekimenari amaiera emateko adierazpena. Espainiako Estatuak "enegarren aldiz gainditu du XXI. mendeko Europako edozein demokraziatan dagoen marra gorria", salatu zuen.

Sanchez eta Cuixart espetxeratzea akats larria dela esan zuen, "demokraziaren baloreak arriskuan jarri dituelako".

"Espainiako Estatuak diktadura baten moduan jokatzen du: manifestazio baketsuak egiteagatik epaitzen eta espetxeratzen gaituzte", salatu zuen. "Gizarte zibilaren ordezkariak kartzelatuta, gatazka politikoa erradikalizatzea eta giroa gehiago tenkatzea bilatzen du Estatuak", ohartarazi zuen.

"100.000 bazkide baino gehiago dituzten erakunde soberanistak indargabetzea da azken helburua, gizartearen kontrako errepresioa justifikatzeko", adierazi zuen.

"Herri gisa zatitu nahi gaituzte, gure batasun soziala apurtzeko. Ez dugu horrelakorik onartuko eta ez dute horrelakorik lortuko", nabarmendu zuen.

Sanchez eta Cuixart espetxeratu izana "bidegabea" eta "legez kanpokoa" dela adierazi, eta biak berehala askatzeko galdegin zuen: "Ez dugu errukirik nahi. Justizia exijitzen dugu".

Bartzelonan ez ezik, Gironan, Reusen eta Tarragonan ere egin dituzte bilkura jendetsuak.

Bartzelona manifestazioa EFE

Jordi Sanchez eta Jordi Cuixart askatzea exijitu zuten Katalunian. Argazkia: EFE

Elkarretaratzeak Euskal Herrian

Euskal Herrian ere izan ziren Jordi Sanchez eta Jordi Cuixart espetxeratu izana salatu eta biak aske uztea exijitzeko bilkurak.

Gure Esku Dagok deituta, elkarretaratzeak egin ziren euskal hiri eta herrietan, 'Junts' eta 'Gu beti Kataluniarekin' lelopean.

Hiriburuetan, esaterako, ehunka pertsona bildu ziren protestetan.

BIDEOA | Donostiako bilkura:

CONTENIDO NO ENCONTRADO

Zure interesekoa izan daiteke

Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"

Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.

Gaur amaitu da Ernairen IV. kongresua

Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.

Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian

Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".

GRAFCAV3169. ANDOAIN (GIPUZKOA) (ESPAÑA), 09/05/2026.- La alcaldesa de Andoain, Maider Lainez (c), junto a la viuda de José Luis López de Lacalle, Mari Paz Artolazabal (2i), y el hijo, Alain (i), durante el acto de homenaje al columnista del diario El Mundo con motivo del 26 aniversario de su asesinato por ETA. EFE/Juan Herrero.

José Luis López de Lacalle kazetaria omendu dute haren hilketaren 26. urteurrenean

Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.

Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du

Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.

50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?

Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.

Desde el viernes centenares de personas procedentes de Canarias quieren cruzar a Francia. La situación es excepcional y el Gobierno Vasco asegura que esta dispuesto a proporcionar más recursos.

Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak

Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.

Maskaren epaiketa amaituta, epaiak argitu beharko ditu zalantzak

Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.

Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua

Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.

EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du

Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.