Gerra Zibileko gudari baten gorpuzkiak hobitik atera dituzte Zeanurin
Gerra zibileko gudari baten gorpuzkiak atera ditu larunbat honetan Aranzadi Elkarteak Zeanurin, Altunganan, Paco Etxeberria antropologo forentsea buru zuen lantalde batek.
Aintzane Ezenarro GOGORA Memoriaren, Bizikidetzaren eta Giza Eskubideen Institutuko zuzendaria, Eusebio Larrazabal Zeanuriko alkatea, eta Jon Hernandez Elkarrekin Podemoseko parlamentari eta Euskadiko Alderdi Komunistako idazkari nagusia izan dira bertan, besteak beste.
Gorpuzkiak hobitik ateratzeko lanetan hainbat hezur berreskuratu dituzte, jatorri txekoslobakiarreko burdinazko kasko bat, aluminiozko katilu bat, kantinplora baten zatiak, hainbat kargadore, kartutxoak eta 21967 zenbakidun Euzkadiko Gudarostearen identifikazio plaka bat.
Irailaren 15ean aurkitu zituzten gorpuzkiak Euskal Prospekzio Taldeak Altunganan (Dimako Zumeltza mendatearen eta Barazarren artean), ohiko behaketa lanak egiten ari ziren bitartean. Eusko Jaurlaritzatik azaldu dutenez, posizio estrategikoa zen bi aldeentzat, gerra garaian.
Hobian aurkitutako plakaren zenbakia Pedro San Milllan Beitiari miliziarrari dagokio. San Millan Elantxobekoa zen eta Bilbon bizi zen. Euskadiko Alderdi Komunistari lotutako Perezagua Bataloiko kidea zen, Nerbioi ibiaiaren ezker aldetik eta meatzari herrietatik etorritako gazteek osatzen zuten batailoikoa, hain zuzen ere.
Jaurlaritzak jakitera eman duenez, 1937ko martxo amaieran, batailoia Barazar ingurura bidali zuten Francoren armada Bilbora irits ez zedin.
Eusko Jaurlaritza 2002tik ari da Gerra Zibilean desagertutako pertsonak bilatzen eta identifikatzen, eta 2015 amaieran Hobien ikerketa eta lokalizaziorako 2015-2020 plana aurkeztu zuen.
Aurten bertan bost exhumazio egin dira: Donostiako Txaldatxur mendian (urtarrilaren 28an), Larrabetzuko Urkullu Mendian (otsailaren 4an), Legution (martxoaren 25ean), Lemoatx Mendian (ekainaren 4an) eta Altunganan larunbat honetan.
Zure interesekoa izan daiteke
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.