PPren B kutxa aztertuko duen epaimahaiko bi magistratu aldatu dituzte
Auzitegi Nazionaleko Gobernu Aretoak Zigor Aretoaren Bigarren Sekzioaren osaketa aldatzea erabaki du, hain zuzen, Gurtel auziaren hurrengo epaiketak egingo dituena. Erabaki horren bidez, kanpoan utzi ditu lehen fasean egon ziren Angel Hurtado eta Julio de Diego magistratuak, iturri judizialek Europa Pressi adierazi diotenez.
Aipatutako iturrien arabera, Jose Ricardo de Prada izango da Gurtel epaitzen jarraituko duen hiru magistratu horietatik bakarra. Horrekin batera, Maria Jose Rodriguez Dupla Bigarren Sekzioaren presidente berria eta Juan Pablo Gonzalez txostengilea aritu dira.
Erabakia Rodriguez Duplak ?Bigarren Sekzioaren Presidentetza hartu ostean? txostengile zeregina zehazteko eta epaitegiak osatzeko proposamen berriak helarazi ondoren heldu dira. Magistratu horrek Concepcion Espejelen lekua hartu du. Espejel "Barcenasen paperak" epaituko dituen epaimahaitik kendu zuten PPrekin zuen gertutatsunarengatik; Auzitegi Nazionaleko Zigor Arloko presidente da ordutik.
Azaroaren 20an aho batez hartutako erabakiaren arabera, Julio de Diego eta Jose Ricardo de Prada magistratuek ez zituzten begi onez ikusi Rodriguez Duplak egindako proposamenak. Hori dela eta, "prozesu berezietan ?PPren B kutxarena, tartean? epaimahaiaren osaketa mantentzeko" bestelako irizpideak ezartzeko eskatu zuten.
Horren ildotik, zehaztu zuten gomendagarria dela osatuta dauden epaimahaiak bere horretan mantentzea. De Diegok eta De Pradak (Angel Hurtado epaimahaiaren presidentearekin batera) Gurtel sarearen lehen garaia epaitu zuten. Epaiketa horretan, besteak beste, Luis Barcenas eta PP eserarazi zituzten akusatuen aulkian.
Alabaina, Gobernu Aretoaren iritzian, bi magistratuek aurkeztutako proposamena "ez da onargarria", epaimahaiaren osaketa ezin delako egin "prozesu bereziak" bereizita, "legeak ez duelako halako bereizketarik jasotzen". Halaber, sekzioen osaketa "aldakorra da halabeharrez", kide batzuek alde egiten dutelako eta beste batzuk bueltan etortzen direlako, kasu honetan bezala.
Gobernu Aretoak epaimahaiaren birmoldaketa justifikatu du "hala egingo ez balitz auzitegiak harrizkoak bihurtuko liratekeelako, banaketa orekatua ezinezko eginez".
Hain zuzen, De Diego eta De Prada magistratuek emandako botoari esker, Ustelkeriaren aurkako Fiskaltzaren iritziaren aurka, Mariano Rajoy Espainiako Gobernuaren presidenteak testigantza eman zuen Gurtelen lehen urteetako jarduerari buruz, Europako Abokatu Demokraten Elkarte eta akusazio partikularrak eskatuta. Erabakia gehiengoak hartu zuen, baina ez zuten aho batez hartu, Hurtadok aurka egin zuelako. Hurtadok, besteek ez bezala, gainera, ez du desadostasunik agertu banaketa egiteko arau berrien aurrean.
Orain, hori epaile horietatik, De Pradak baino ez du jarraituko PPren kontabilitate ezkutua aztertuko duen epaimahaian.
Gainera, B kutxari buruzko pieza hori Francisco Correa Gurtelen buruak egindako deklarazio bati esker epaituko da.
Correaren esanetan, zenbait enpresak harengana jo zuten Sustapen Ministerioarekin eta Ingurumen Ministerioarekin bitartekari lanak egin zitzan, % 2-3ko komisioen truke; komisio horiek, hain zuzen, diruzainari ematen omen zizkion gero.
Zure interesekoa izan daiteke
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.