Romeva, Mundo, Rull, Turull, Bassa eta Borras aske gelditu dira, bermea ordainduta
Raül Romeva, Carles Mundo, Josep Rull, Jordi Turull, Dolors Bassa eta Meritxell Borras kargugabetutako Generalitateko kontseilariak aske gelditu dira gaur, Pablo Llarena Auzitegi Goreneko epaileak ezarritako 100.000 euroko bermeak ordainduta. Seiak azaroaren 2tik zeuden kartzelan, Kataluniako prozesu independentistaren harian sedizioa, matxinada eta dirua bidegabe erabiltzea leporatuta.
Dolors Bassa eta Meritxell Borràs kargugabetutako Generalitateko kontseilariak izan dira kartzelatik irteten lehenak. 15:50ean atera dira bi emakumeak Alcalá Mecoko espetxetik (Madril) eta familiako kideak eta ERCko ordezkariak zituzten espetxearen atarian.
Raül Romeva, Carles Mundo, Josep Rull eta Jordi Turull, ostera, 18:33an atera dira Madrilgo Estremera kartzelatik. Irteeran, senideak, diputatuak, senatariak eta PDeCAT zein ERCko kideak zituzten zain. Laurak abenduaren 21ean Katalunian egingo diren hauteskundeetarako hautagaiak dira; hain zuzen ere, gauerdian hasiko da hauteskunde kanpaina.
Halere, gaur aske gelditu diren sei kontseilari kargugabetuak astero aurkeztu beharko dira Kataluniako Justizia Auzitegi Gorenean edo eurek erabakitako epaitegi edo auzitegian, eta herrialdetik irteteko debekua izango dute, pasaportea entregatzeko beharrarekin.
Bien bitartean, epaileak erabaki du Oriol Junqueras Generalitatearen presidenteorde kargugabetua, Joaquin Forn kargugabetutako Barne kontseilaria eta ANC zein Omnium Cultural elkarteetako buruak (Jordi Sanchez eta Jordi Cuixart) espetxean mantentzea.
20:00etan elkarretaratzeak deitu dituzte udaletxe atarietan
Kataluniako Asanblea Nazionalak (ANC) eta Omnium Cultural erakundeek deituta, kontzentrazioak egingo dituzte 20:00etatik aurrera Kataluniako udaletxeen atarietan. Bilkura horietan, kargugabetutako sei kontseilariren askatasuna ospatuko dute eta kartzelan jarraitzen duten lau kideren egoera salatuko dute.
Marcel Padros ANCko diruzainak iragarri duenez, sei kontseilari kargugabeturen irteera ospatzeko eta Junqueras, Forn, Sànchez eta Cuixart espetxean mantentzeko erabakiaren kontra protesta egiteko baliatuko dituzte bilkurak.
Albiste gehiago politika
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosen hitzetan, Cerdan eta Garciaren “ustelkeria dinamika” Nafarroatik zetorren, eta “erabili” egin dute
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok Ministerioan jarri zuten, eta, ondoren, "presioa" egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak, eta uda honetan bertan hasiko da lanean.