Iritsi dira Sixenako monasteriora Lleidako museotik ateratako artelanak
Lleidako museotik ateratako artelanak iritsi dira Sixenako monasteriora, Aragoiko Gobernuak jakinarazi duenez. 44 artelanetatik 43 iritsi dira; izan ere, Mayte Perez erkidegoko Hezkuntza, Kultura eta Kiroletako sailburuaren esanetan, obretako bat desagertu egin da.
Sixenako biztanleak monasterioaren kanpoaldean bildu dira artelanak zekartzan kamioiaren zain.
Protesta artean atera dituzte artelanak
Eguerdi aldera atera dituzte Sixenako lehen artelanak Lleidako Museotik. Lekualdatzea protesten artean burutu behar izan dute Guardia Zibilak eta Mossoek, lanok mugitzearen aurka ehunka pertsona bildu baitira Museo inguruan.
Goizaldean (04:00) sartu dira eraikinean. Zortzi orduz izan dira artelanok biltzen, Aragoiko Gobernuko teknikarien ikuskaritzapean.
44 pieza dira guztira Lleidako Museotik Billanueba de Sixenako monasteriora eraman beharrekoak. Aragoiko Gobernuak eskatu zituen lanok, eta epaile batek baimendu zuen lekualdatzea. Erabakiaren kontra helegitea aurkeztea bazegoen ere, Konstituzioaren 155. artikulua indarrean dagoenetik Katalunian agintean dagoen Espainiako Gobernuak ez aurkeztea erabaki zuen. Gaur zen azken eguna agindua betetzeko.
Artelanetako batzuk oso handiak dira —hiru hilkutxa daude horien artean— eta aditu bat eta enpresa espezializatu bat aritu dira horiek bertatik eramateko lanak gidatzen. 44 piezak kamioi batean sartu eta gaur bertan eramango dituzte Aragoira.
Guardia Zibilaren eta Esquadra Mossoen 100 bat furgoneta joan dira Lleidako Museoaren kanpoaldea babestera, eta Mossoen helikoptero bat ere ibili da 08:00etatik zaintza lanetan.
Lekualdatzearen kontra protesta egiteko 500 bat pertsona bertaratu dira. 155. artikuluaren (horri esker mugituko dituzte artelanak), Angel Ros Lleidako alkatearen eta operazioaren aurkako oihuak egin dituzte manifestariek: "Espainiak lapurreta egiten digu", "Angel Ros, dimisioa", besteak beste.
Segurtasun eremua handitzeko indarra erabili dute Mossoek, eta hainbat karga egin dituzte manifestarien kontra.
Medikuek gizon bat artatu behar izan dute, takikardia izan baitu.
Osasun zerbitzuak, pertsona bat artatzen. Argazkia: EFE
Erreakzio politikoak
Iñigo Mendez de Vigo Espainiako Hezkuntza, Kultura eta Kirol ministroak nabarmendu duenez, "Esquadra Mossoak ordena publikoa bermatzen ari dira gaur Lleidan". "Ziur naiz egoki egingo dutela", gaineratu du. Kultura ministroak esan du epaile batek aginduta ari dira artelanok lekualdatzen: "Epaiak bete egin behar dira. Horixe da, hain justu, egiten ari garena".
Kataluniako Gobernua, ordea, Sixenako artelanak Aragoira eramatearen kontra egon da betidanik, eta lekualdatzea 155. artikulua aplikatuta gauzatzea kritikatu du. Carles Puigdemont presidenteak Twitter bidez salatu du gaurko operazioa.
"Gauean eta militarizatutako polizia erabiliz, betiko moduan, Estatu kolpe bat baliatu dute Katalunia espoliatzeko, inpunitate guztiarekin", bota du sare sozialean.
Kataluniako politikari ugari bildu dira Lleidako Museoaren aurrean, protesta egiteko. Han dira, besteak beste, Joan Tarda (ERC), Mireia Boya (CUP) eta Laura Borras (JuntsxCat), baita Josep Borrell Generalitateak Lleidan duen Kulturako ordezkaria ere.
Tardak nabarmendu duenez, Lleidan gaur gertatzen ari dena "155.a babesten duten indarrek hauteskundeak irabazten badituzte gerta daitekeenaren aurrerapena baino ez da. Lotsagarria da hau egitea, Gobernua kartzelan eta erbestean dagoela baliatuta".
"Espero dut umiliazio saiakera hau ikasgai izatea, horrelako jendea Gobernura heltzen bada gerta daitekeenaren seinale. Gure herrialdea Kataluniatik zuzentzen da, ezin dugu onartu XXI. mendean Madrildik agintzea", adierazi du.
Josep Borrellen aburuz ere, "hanka-sartze itzela" da gaurkoa. Horren arabera, "Aragoiko herritarrei kalte egin diezaieke. Kataluniak eskuzabaltasunez jokatzen du zerbitzu batzuk eskainita, osasun zerbitzua esaterako, baina gaurkoaren ostean hauxe esan dezakegu: aski da, berriro pentsatu beharko dugu. Dinamika honetan sartzeak ez dio inori mesede egiten".
Zure interesekoa izan daiteke
"Ezin da gehiago luzatu" lelopean, II. Etxera Kantuz Topaketa egin du Sarek Durangon
Sarek II. Etxera Kantuz Topaketa egin du Durangon. “Ezin da gehiago luzatu” dinamikaren baitan egindako ekimen horrekin, ETAko presoei salbuespenik gabeko espetxe politika arrunta aplika diezaieten eskatu dute. Aldarrikapen horri bidea emateko, urtarrilaren 10ean manifestazioa egingo dute Bilbon.
Ernaik aste honetan kendu dituen "ikur espainolistak" erakutsi ditu Durangon
Horrela, Durangoko (Bizkaia) Santa Ana plazan aste honetan kendu edo eraitsi diren ikurrak ezarri ditu: Tuterako (Nafarroa) Osborne zezenaren adarrak, Igeldoko (Gipuzkoa) militar karlista baten omenezko gurutzea, Gasteizko alkate frankistaren izena duen kaleko plaka eta Euskal Herriko hainbat eraikin publikotako Espainiako banderak.
Guardiako alkatearen ustezko delituak ikertzeko eskatu dio EH Bilduk Fiskaltzari
Koalizio abertzaleko zinegotziek azaldu dutenez, legegintzaldi honetan alkatearen eta haren gobernu taldearen zenbait jardunbide "legezkotasunetik kanpo daude eta delituzkoak izan daitezke". "Bereziki larritzat" jo dituen bi jokabidetan jarri du arreta EH Bilduk.
"PPren aurkako ekintzen aurrean" jeltzaleek eta sozialistek duten jarrera kritikatu du De Andresek
Javier De Andres Euskadiko PPren presidenteak esan du erakunde bat "zuzenean PPren aurka" egiten ari dela, eta horrek izen-abizenak dituela: "EH Bildu eta Ernai". Testuinguru horretan, jeltzaleen eta sozialisten jarrera kritikatu du.
Aizpuruak (EH Bildu) ausardia eskatu du nazio aniztasunean aurrera egiteko, eta PPrekin zein Voxekin aritzea horrekin "bateraezina" dela esan du
Mertxe Aizpurua EH Bilduk Kongresuan duen bozeramaileak esan du nazio aniztasuna aitortu eta demokrazia eraberritzeko bidean aurrera egiteak "ausardia eta konbikzioa" eskatzen dituela. Halaber, ohartarazi du bide hori bateraezina dela "PPrekin eta Voxekin batera aritzearekin, ez ekintzaz, ez omisioz, ez Madrilen, ez Euskal Herrian".
Vaquero: "Sanchezi eskatzen diogu bere borondate guztia jartzeko transferentziak burutzeko"
Maribel Vaquero EAJk Diputatuen Kongresuan duen bozeramaileak Estatutua betetzeari buruz hitz egin du Espainiako Konstituzioaren urteurrenean.
Gernikako Juntetxean Espainiako bandera ostu eta pintaketa bat egin dute
"Gurea ikurriña" zioen pintaketa batekin esnatu da eraikina gaur goizean, eta atean dauden Espainiako eta Europako banderarik gabe. Ernaik, bere aldetik, "ikur espainolisten" aurkako kanpaina amaitu dela iragarri du, eta Durango utzi ditu lapurtutako objektuak.
Salazar salatu zuten emakumeak “behar bezala babestu” ez izana onartu du PSOEk
Paco Salazar Moncloako aholkulari ohiarekin lan egiten zuten alderdiko bi militantek jazarpena jasan zutela salatu zuten. Sozialisten esanetan, protokoloak aktibatu zituzten.
PSE-EEk "normaltasunez" ikusten du EAEko Justizia Auzitegiak hizkuntza eskakizunen inguruan egindako kontsulta
Pau Blasi PSE-EEko legebiltzarkideak adierazi duenez, bere alderdiak "normaltasunez" ikusten du Euskal Autonomia Erkidegoko Auzitegi Nagusiak Euskadiko sektore publikoan hizkuntza eskakizunak arautzen dituen legeari buruz Auzitegi Konstituzionalari egingo dion kontsulta. "Ez da gertatzen den lehen aldia, eta Konstituzionalak esaten duenaren zain gaude", esan du Blasik Legebiltzarreko korridoreetan kazetarien galderei erantzunez.
Ernaik Euskal Herrian zutik geratzen zen azken Osborne zezena bota du "sinbolo espainolista izateagatik"
Sabotaje hori azken egunotan egin dituzten ekintzen barruan kokatzen du, hala nola, PPren Bilboko egoitzari pinturaz egindako erasoa eta Gizarte Segurantzaren Gasteizko Diruzaintzaren egoitzatik Espainiako bandera bat kentzea. Sare sozialetako mezuan jarri dutenez, "sinbolo espainolistek ez dute tokirik Euskal Herrian".