Catalunya Ràdiori zehapen-espedientea irekitzeko eskatu du Hauteskunde Batzordeak
Corporació Catalana de Mitjans Audiovisualsi zehapen-espedientea irekitzeko eskatu dio Hauteskunde Batzorde Zentralak Bartzelonako Hauteskunde Batzordeari, Catalunya Ràdioko "El Matí" saioan funtsezko neutraltasun politikoa urratzeagatik.
Hauteskunde Batzorde Zentralak Alderdi Popularrari (PP) eman dio oraingoan arrazoia, eta bertan behera utzi du Bartzelonako Hauteskunde Batzordearen erabakia. Izan ere, Bartzelonako Hauteskunde Batzordeak ez zuen onartu urriaren 28an eta 30ean "El Matí" saioak emandako informazioaren harira PPk aurkeztutako salaketa.
Hauteskunde Batzorde Zentralak "La Portada" editorialean Mònica Terribas aurkezleak egindako iruzkina aipatzen du, hain zuzen ere. Ildo horretan, kate publikoari egotzi dio iruzkinaren "erantzukizun zuzena".
Hauteskunde Batzordearen arabera, "Kataluniako gobernu legitimoaren aurkako bidegabeko errepresioa dagoela esaten duten alderdien aldeko hauteskunde kutsu alderdikoia" erabili zen aipatutako iruzkin horretan.
Bestalde, saio horrek Hauteskunde Batzorde Zentralaren aurreko ebazpenen harira "aipamen barregarria" egin zuela dio Batzordeak.
Horrela, hedabide publikoa hautagaitza independentisten "eskura" jartzen dela uste du Batzordeak, hedabide publikoek hauteskunde kanpainan erakutsi behar duten informazioaren oinarrizko neutraltasun politikoa urratuz.
Beraz, saioak "informatzeko oinarrizko neutraltasun eta aniztasun politikoa" urratu zuela uste du Hauteskunde Batzorde Zentralak.
Ondorioz, informazio neutraltasunaren urraketa saihesteko neurriak har ditzala eskatu dio Corporació Catalana de Mitjans Audiovisualsi, eta saioaren arduradunei zehapen-espedientea irekitzeko agindu dio Bartzelonako Hauteskunde Batzordeari.
Zure interesekoa izan daiteke
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.