Espedientea zabaldu diote Junquerasi eta Sanchezi espetxetik bidalitako audioengatik
Espetxeetako Zuzendaritzak informazio-espedientea zabaldu die Oriol Junquerasi eta Jordi Sanchezi zigortu aurretik, abenduaren 21eko Kataluniako hauteskundeetan parte hartzeko Estremera eta Soto del Real espetxeetatik bidalitako audioengatik.
Juan Ignacio Zoido Espainiako Barne ministroak espedienteak zabaldu dizkietela baieztatu du astelehen honetan.
Alde batetik, Rac 1 hedabidean Junquerasi egindako telefono bidezko elkarrizketa baten zati bat emititu dute astelehen honetan. Horretan, Junquerasek "aurpegia ematen dugula frogatu" dutela esaten du; izan ere, "egindakoagatik ez naiz inoiz ezkutatzen eta jarrera, pentsamendu, sentimendu eta borondate irmoa" duela gaineratzen du horretan.
Bestetik, Jordi Sanchez telefono bidezko mezu bat grabatu zuen Junts per Catalunya alderdiaren mitinean zabaltzeko. Mezu horretan, Carles Puigdemonten aldeko botoa eskatzen zuen, eta Mariano Rajoyri, Ines Arrimadasi, Miquel Icetari eta Xabier Garcia Albioli "lerdo erabilgarriak" deitu zien.
Espetxeetako Zuzendaritzak azaldu duenez, presoek kanpo komunikazioak murriztuak dituzte eta familiarekin edo beren abokatuekin hitz egiteko baino ezin dituzte erabili.
Jordi Sanchezek baimena eskatu zion Pablo Llarena Auzitegi Goreneko epaileari hauteskunde kanpainan parte hartzeko, baina epaileak baimena ukatu zion.
Bestalde, Arnaldo Otegiren aurrekaria dago, zein 2012ko hauteskunde kanpainan Logroñoko espetxean egonda EH Bilduren mitin batean zabaltzeko mezu bat grabatzeagatik espedientatu zuten.
Otegiri orduan kautelazko neurriak ezarri zizkioten, besteak beste, telefono bidezko komunikazioak bertan behera utzi zizkioten, baita bisitak ere.
Azkenik, Logroñoko espetxeko Diziplinazko Batzarrak 12 eguneko isolamendu zigorra ezarri zion falta larri batengatik, eta hiru egunez paseorik gabe gelditu zen beste falta arin batengatik.
Albiste gehiago politika
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.