Nafarroako Ekonomi Hitzarmenaren eguneraketa sinatuko dute gaur
Gobernu zentraleko eta Nafarroako Exekutiboko ordezkariek Ekonomi Hitzarmenaren eguneraketa sinatuko dute asteazken honetan, Ogasun Ministerioaren egoitzan. Horrela, Nafarroak Estatuari egin beharreko ekarpena txikiagoa izango da aurrerantzean.
Foru Erkidegoak Estatuari egin beharreko ekarpena adostu dute bi exekutiboek, hilabeteak negoziatzen eman ondoren. Horrela, urtero 510 milioi euroko ekarpena finkatu dute, 2015. urtea oinarri hartuta.
Azken ekitaldietan Nafarroak egindako ekarpena murriztea suposatuko du horrek. Orain arte erreferentzia 2010. urtea izan du Foru Erkidegoak, Hitzarmenean negoziatutako azken oinarri urtea.
Aldeko saldoa
Horrela, behin akordioa sinatu ondoren, Nafarroak Estatuari 2015ean eta 2016an egindako ordainketak berriz aztertzea beharrezkoa izango da; izan ere, Foru Erkidegoak aldeko saldoa izan dezake.
Cristobal Montoro Ogasun ministroa eta Mikel Aranburu Nafarroako Gobernuaren Hazienda eta Finantza Politikarako kontseilaria sinadura ekitaldiko protagonistak izango dira.
Manu Ayerdi Nafarroako presidenteordeak, Luis Esain Ogasuneko zuzendari kudeatzaileak, Begoña Urrutia Aurrekontuko zuzendari nagusiak, Maite Dominguez Ekonomi Hitzarmen Zerbitzuko zuzendariak eta Javier Zabaleta Araudi Garapen eta Aholkularitza Juridiko Zerbitzuaren zuzendariak Aranburu lagunduko dute.
Jose Enrique Fernandez de Moya Hazienda Estatu idazkariak, Alberto Nadal Aurrekontu eta Gastuen Estatu idazkariak, Roberto Bermudez de Castro Lurralde Administrazioetarako Estatu idazkariak, Juan Ignacio Romero Lurralde Koordinaziorako idazkari nagusiak eta Belen Navarro Erkidego eta Udalen Finantziaziorako idazkari nagusiak, ostera, Montoro lagunduko dute.
Albiste gehiago politika
Covite: "ETArekin eta bere inguruarekin egindako akordio judizialek zigorgabetasuna bultzatzen dute"
Consuelo Ordoñez buru duen elkartearen esanetan, akusatuek onartu egin dute 'ongi etorri'ek "biktimak umiliatzen" zituztela.
Pradalesen ustez, "gizartearen aktibazioa funtsezkoa den arren, euskarak legedia eta segurtasun juridikoa behar ditu"
Lehendakariak euskararen etorkizunari begira "jauzi kualitatiboa" emateko beharra azpimarratu du eta, testuinguru horretan, normalizazio prozesuan paradigma berri bat ezartzeko beharra adierazi du, "konfrontazioa saihestuta".
"Erdietsi dugun akordioarekin Euskal Herriko bake prozesua blindatu egin dugu"
Akordioa lortuta, espetxea saihestuko dute 2016 eta 2020 urteen artean 120 presoen ongietorriak antolatzeagatik Auzitegi Nazionalean auzipetutako 6 kideek.
Akordioa erdietsita, espetxea saihestuko dute presoen ongietorriak antolatzeagatik auzipetutako 6 kideek
2 urteko espetxea ezarri zaie, eta hainbat baldintza beteta, bertan behera geratuko da. Besteak beste, ezingo dute parte hartu biktimak umiliatzea eragin dezakeen ekitaldietan. Auzipetuek onartu egin dute antolatu zituzten ongietorriekin biktimei min egin zietela.
Epaileak baztertu egin du Abalos eta Koldo Garcia espetxera bidaltzea, eta kautelazko neurriei eutsi die
Hortaz, magistratuak ez du onartu Alderdi Popularra buru duen akusazioak eskatutako behin-behineko kartzelaldia. Jose Luis Abalos Garraio ministro ohiak adierazi du zabaldu diren grabaketetan ez duela bere ahotsa ezagutzen. Are gehiago, grabaketak ez ote dituzten manipulatu susmoa azaldu du. Koldo Garciak, berriz, ez deklaratzea erabaki du.
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.