Puigdemontek eta Rovirak (ERC) Parlamentuko Mahaiaren osaera adostu dute
Kataluniako Parlamentuko Mahaian independentziaren aldekoak nagusi izateko akordioa lortu dute Belgikan Carles Puigdemontek eta Marta Rovira ERCko idazkari nagusiak.
Hainbat hedabide katalanek eman dute akordioaren berri, goizean goiz. Gerora, bi alderdietako iturriek baieztatu dute, eta ERCk zehaztapena egin du, hasiera batean inbestidurari buruzko akordioa ere bazegoela zabaldu baita. Azken hori negoziatzeke dago oraindik, nabarmendu dute iturri errepublikanoek.
Puigdemont eta Rovira Bruselan bildu dira bart, eta datozen asteetan eman beharreko pausoetako batzuk hitzartu dituzte. Gaur zortzi egingo dute Kataluniako Parlamentua osatzeko bilkura.
Adostutakoaren arabera, JuntsxCat, ERC eta CUP alderdietako diputatuek euren botoak batuko dituzte Parlamentuko Mahaian gehiengoa lortzeko (zazpi kideetatik lau independentistak izango dira, horrenbestez).
ERCren esanetan, horretara mugatzen da akordioa, eta inbestidura egiteko modua negoziatzeko dute oraindik —otsailean da egitekoa presidentea aukeratzeko lehen bilkura—.
70 diputatu
Hiru alderdi independentistek 70 ordezkari dituzte Parlamentuan (gehiengo osoa 68an dago). Hori horrela, egoera normal batean ez legoke arazorik Parlamentuko erakunde horretan gehiengoa lortzeko.
Oraingoan, ordea, aparteko egoera dago Katalunian: hiru diputatu kartzelan daude, eta beste bost Bruselan.
Hala, gehiengoa bermatzeko honakoa beharko lukete independentistek: preso diren hirurek ganberara joateko baimena izatea, eta Bruselan diren lau kontseilarik eserlekuari muzin egitea.
Inbestidurari buruz, akordiorik ez
Hasieran zabaldutako iragarpena zuzendu du ERCk, eta inbestidurari buruzko akordioa itxita ez dagoela nabarmendu du.
Puigdemontek bi proposamen egin omen ditu : inbestidura modu telematikoan egitea edo bere hitzaldia beste diputatu batek irakurtzea.
Errepublikanoek ez dute argi ikusten, eta denbora gehiago eskatu diote Junts per Catalunyako hautagaiari.
Hala, inbestidura mota horren "bideragarritasuna" aztertzea Parlamentuko abokatuen esku utzi du ERCk.
Puigdemonten (PDeCAT) eta Roviraren (ERC) alderdien baitan mugimenduak izan ziren atzo. Artur Masek dimisioa iragarri zuen arratsaldean, eta, ordu batzuk lehenago, Carles Mundo kontseilari izandakoak diputatu aktari muzin egin zion eta politika utzi duela jakinarazi zuen.
zuen.
Zure interesekoa izan daiteke
Aragoiko parte-hartzea ia % 11koa izan da 11:00etan
Jarduneko gobernu autonomikoak parte-hartzearen inguruan emandako lehen datuen arabera, 107.040 aragoiarrek eman dute botoa lehen bi orduetan. Hautagai gehienek ere eman dute botoa, eta denek egin dute hauteslekuetara joateko deia.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.