Mixel Berhokoirigoin: 'Gerturatzeak taldeka izanen dira'
Frantzian dauden ETAko presoak Euskal Herrira gerturatuko dituztela zabaldu eta biharamonean, Mixel Berhokoirigoin 'bake artisauarekin' hitz egin du gaur ETBk, prozesuaren nondik norakoak ezagutzeko.
Luhusoko operazioaren ondotik etorri diren urratsak ekarri ditu gogora Berhokoirigoinek. ETAren armagabetzeak, elkarrizketarako abagune berri bat sortu zuela nabarmendu du, "urrats batek bestea" dakarrelako, haren iritzian. "Bake-bidea interaktiboa dela ulertzen dugu, bataren urratsak bestearena ekarriko duelako", esan du.
Azken hilabeteotan hiru bilera egin dituzte 'bake artisauek' Frantziako Gobernuko Justizia Ministerioko arduradunekin, eta telefono bidezko harremana ere etengabea izan da. "Hasieratik presoen gaia bideratzeko borondatea bazela sentitzen genuen. Garbi geneukan Ministerio berriak orain arte lo zeuden hainbat gauza aktibatu nahi zituela", gaineratu du.
Bake artisauak onartu du abenduaren 27an egin zuten bileratik "sentimendu gazi-gozoarekin" atera zirela. Izan ere, abendurako espero zuten presoen hurbilketaren albistea, baina prozedura administratiboak tarteko, ez zen posible izan. "Ulertzen dugu, halere, erabaki politikoak alde batetik doazela eta pozedura burokratikoak bestetik, bakoitzak behar du bere denbora", esan du.
Hurbilketak noiz eta nola egingo diren galdetuta, bake eragilea ziur agertu da ondorengo asteetan izango direla. Epe-mugarik ez dutela jarri mahai gainean esan du, baina "konfiantza osoa" dute prozesua ondo bideratuko duela Ministerioak.
Frantziako 19 espetxetan dauden 61 preso hurbilduko dituzte, eta, jada, egin dute gerturatzeko eskaria. Horiek banan-banan aztertuko ditu Justizia Ministerioak, eta bakoitzaren errealitatearen araberako erabakiak hartuko dira, lehentasunak ezarrita. Lannemezango eta Mont de Marsango espetxeetara egingo diren gerturatzeak, hori bai, taldeka egingo direla esan du.
Berhokoirigoinek berretsi du preso bakoitzaren errealitatea ezberdina izan arren, denentzat eskubide berberak aldarrikatu dituztela, eta alde horretatik ez dutela oposiziorik aurkitu Frantziako Gobernuarekin egindako batzarretan.
Zure interesekoa izan daiteke
Aragoin parte-hartzea % 40,26koa izan da 14:00etarako
2023ko bozetan izandako datuaren oso antzekoa da, % 0,06 hazi baita. Zortzi hautagaiek eman dute botoa jada, eta denek egin dute hauteslekuetara joateko deia.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.