Torrentek Puigdemont proposatu du Generalitateko presidente izateko
Roger Torrent Kataluniako Parlamentuko presidenteak Carles Puigdemont Junts per Catalunya (JxCAT) alderdiko zerrendaburua proposatu du Generalitateko presidente izateko. Horrez gain, iragarri du Mariano Rajoy Espainiako presidenteari bilera eskatu diola "Parlamentuko ezohiko egoeraz hitz egiteko".
Ganberan egindako prentsaurreko labur batean nabarmendu duenez, inbestidura horrek dituen zailtasunen jakitun da, baina Torrentek uste du Puigdemontek berriz presidente izateko "legitimotasun guztia" duela. "Badakit bere egoera pertsonal eta judiziala zein den, baina nire betebeharra da diputatu guztien parte hartze politikorako eskubideak babesteko eginahalak egitea, eskubide horiek mugatzea herriaren subiranotasuna mugatzea litzatekeelako", adierazi du.
Kataluniako Parlamentuan ordezkaritza lortu zuten alderdi guztietako ordezkariekin bildu da Torrent, eta egindako bilera sortan ondorioztatutakoaren arabera, JxCATeko hautagaia da aukeratua izateko babes gehien duena. Nonbait, JxCATek eta ERCk Puigdemonten alde egin zuten, eta CUPek "inbestidurarako lehen hautagaia izateko zilegitasuna" zuela esan zuen. Beste alderdiek baztertu egin zuten hautagaitza hori.
Torrenten esanetan, inbestidura "auzi politikoa da", eta, horrenbestez, "politikak izan behar du guztiaren erdigune".
Kataluniako Parlamentuko presidenteak iragarri duenez, preso eta atzerrian dauden diputatu guztiekin biltzeko asmoa du: "Denekin hitz egingo dut. Parlamentuko 15 diputatuak babestuko ditut". Izan ere, diputatu horien egoerak "euren ordezkaritza eskubideak eta aukeratu dituzten herritarren eskubideak" urratu ditu, horren iritzian.
"Parlamentuko presidente naizen aldetik, nire betebeharra da erakunde hau kanpoko esku hartzeetatik eta geldiarazpenetatik babestea", erantsi du.
Bilera eskaera Rajoyri
Presidentetzarako hautagaia iragartzeaz gain, Mariano Rajoy Espainiako presidenteari bilera bat eskatu diola ere jakinarazi du Torrentek. Horren ustez, "Kataluniako Parlamentuan dugun ezohiko egoerari buruz hitz egiteko izango da hitzordua".
Ingurumaria horretan, "elkarrizketaren beharra" aldarrikatu du.
Moncloaren erantzuna
Bilera eskaera horren harira, Espainiako Gobernuak Roger Torrenti gogorarazi dio Carles Puigdemont presidentearen egoera ez dagokiola Rajoyri, Justiziari baizik.
Dena dela, Moncloako iturriek jakinarazi dutenez, oraingoz ez dute Kataluniako Parlamentuko presidentearen gutunik jaso.
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.