Gorenak baztertu egin du Puigdemont Danimarkan atxilotzeko euroagindua ematea
Pablo Llarena Auzitegi Goreneko epaileak Carles Puigdemont presidentea Danimarkan atxilotzeko agindua ematea baztertu du. Fiskaltzak egin dio eskaera goizean, presidentea Kopenhagera joan dela jakitean. Puigdemont Danimarkako unibertsitateko eztabaida batean parte hartzekoa da arratsaldean.
Estatuko Fiskaltza Nagusiak atzo iragarri zuen Carles Puigdemont atxilotzeko euroagindua berriro indarrean jartzea eskatuko ziola Pablo Llarena Auzitegi Goreneko epaileari, baldin eta Kopenhagera joaten bazen.
Auto batean, fiskalaren eskaera "arrazoizkoa" dela esan du Llarenak, baina hura ez emateko "ñabardurak" badaudela erantsi du euroagindua baztertzeko.
Abenduaren 5ean, Llarena epaileak bertan behera utzi zuen Carles Puigdemont eta harekin batera Bruselan dauden lau kontseilarien (Antonio Comin, Lluis Puig, Meritxell Serret eta Clara Ponsati) kontrako euroagindua.
Danimarkako Gobernuak agintari judizialei igorri die Puigdemonti buruzko erabakia
Danimarkako Gobernuak Carles Puigdemonti buruzko erabakia igorri die gaur agintari judizialei. Gobernuak ez du Carles Puigdemonten iritsiera baloratu nahi izan. "Danimarkako agintari judizialei dagokie auzia", adierazi dio iturri diplomatiko batek Europa Press albiste-agentziari.
Anders Samuelsen Danimarkako Atzerri ministroa Bruselan da Europar Batasuneko Atzerri ministroek egingo duten bileran parte hartzeko, eta bertara iritsi denean Carles Puigdemonti buruz galdetu diote kazetariek. Dena den, Samuelsenek ez du argitu Danimarkako agintariek balizko euroagindua gauzatuko duten ala ez. "Kopenhagera iritsi dela entzun berri dut, baina gaia ez dagokio nire sailari, Justiziari baizik. Ez daukat ezer esateko", azpimarratu du.
Albiste gehiago politika
Sarek manifestazioa deitu du Donostiako Aste Nagusiko azken egunerako, presoen etxerako bidea "indartu eta arintzeko"
Asteazken honetan emandako prentsaurrekoan, Beñat Uribe-Etxeberria Sareren bozeramaileak adierazi du mobilizazioa eginda "aldarrikapena txertatu" nahi dutela jaiegun horietan. Hala, manifestazioa deitu du Donostiako Aste Nagusiko azken egunerako, abuztuaren 16rako, presoen etxerako bidea "indartu eta arintzeko".
Miguel Tellado eta Aitor Estebanen arteko tira-bira, Cerdanen afera eta curriculum makillatuak direla eta
Asteartean argitaratutako elkarrizketa batean Cerdanek egindako baieztapenek eragin dute bi politikarien arteko hizka-mizka.
Nafarroako herri-lanak ikertzeko batzordeak 40 pertsona deituko ditu
Horien artean, Antxon Alonso, Koldo Garcia eta Santos Cerdan daude, baina atzera bota dituzte Maria Chivite, Uxue Barkos, Yolanda Barcina eta Jose Luis Abalosek agerraldia egiteko eskaerak. Agerraldiak urriaren erdialdean hasiko dira.
Santos Cerdanek errugabea dela adierazi du: "Ez dut UCOk esan duen ezer egin"
'La Vanguardia' hedabideak egindako elkarrizketa batean, PSOEko Antolakuntza idazkari ohiak esan du bera ez dela Koldo edo Jose Luis Abalosekin izandako elkarrizketetan egon, eta gaineratu du hura ez omen dela bere ahotsa.
Nafarroako PPren presidenteak curriculumeko datu faltsu bat zuzendu du Parlamentuaren webgunean
'Diario de Noticias' egunkariaren arabera, Javier Garciak bere fitxa aldatu du Nafarroako Parlamentuan, inoiz egin omen ez duen gradu baten izena aldatzeko.
De Andresek EAJri eta PSEri ohartarazi die ez dela bateragarria EH Bilduren "bikotekide izatea" eta poliziari eraso egiten dietenen aurka egotea
EAEko PPren presidenteak "etikoki argiago" jokatzea eskatu die bi alderdiei, "ezinezkoa delako" koalizio abertzalearen "bikotekide izan", eta Ertzaintzari eraso egiten diotenen "aurka" daudela esatea.
PPk onartu du Madrilgo Biltzarraren presidenteorde Ana Millan ez dela Politika Zientzietan lizentziaduna
Noelia Nuñez popularrak, Jose Maria Angel Valentziako sozialistak eta Ignacio Higuero Extremadurako kontseilariak dimisioa eman dute azken asteetan, euren ikasketei buruzko informazio ofiziala faltsua omen da eta.
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kendu" baitio. Alkateak hitzok esan ditu Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.