Frantziako Gobernuak Covite 'lasaitu' du, presoen hurbilketaren harira
Consuelo Ordoñez terrorismoaren biktimen elkarteko (Covite) presidentea "oso lasai" geratu da Frantziako Gobernuak ETAko presoak Euskal Herritik hurbil dauden espetxeetara hurbiltzeko hartu duen erabakiari buruz eman dizkion azalpenak entzun ostean.
Helene Davo Frantziako Justizia Ministerioko zuzendariordearekin bildu da gaur Parisen. Ordoñezen esanetan, Frantziak ez du neurrik kolektiborik hartuko, "legedi arrunta ezarriko diete eta preso bakoitzak banaka egindako eskaria aztertu ostean hartuko dute erabakia".
Era berean, Justizia Ministerioak "marra gorriak" markatu dituela esan du: "Odol delituak dituzten presoak ez dituzte hurbilduko, ezta Espainian auzibideak irekita dituzten presoak ere".
"Zentzuzko neurriak iruditu zaizkigu", azpimarratu du Coviteko arduradunak.
Kritikak Eusko Jaurlaritzari eta Rajoyri
Bestalde, Ordoñezek presoen auzia konpontzeko Frantziako Gobernuarekin harremanetan dagoen euskal ordezkaritza eta Eusko Jaurlaritza gogor kritikatu ditu.
"Espetxe politikan aldaketak izan direla sinestarazteko gezurrezko kanpaina bat abiarazi eta mezu interesatuak zabaldu dituzte, baina ez da inolako aldaketarik eman", adierazi du.
"Aldaketa bakarra presoen jarrera aldaketa izan da; Frantziako legedia aintzat hartzea onartu dutelako", erantsi du.
Horrez gain, Espainiako Gobernuaren jokabidea ere salatu du, "Legea eta Zuzenbide Estatua zalantzan jartzea ahalbidetu duelako".
"Espainiako Gobernuaren pasibotasuna dela eta, biktimen elkarte batek desegin behar izan du preso dauden terroristen alde gezurrez betetako kanpaina bat", deitoratu du.
Zure interesekoa izan daiteke
Aragoin parte-hartzea % 40,26koa izan da 14:00etarako
2023ko bozetan izandako datuaren oso antzekoa da, % 0,06 hazi baita. Zortzi hautagaiek eman dute botoa jada, eta denek egin dute hauteslekuetara joateko deia.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.