Puigdemonten inbestidura saioa datorren asteartean izango da, 15:00etan
Carles Puigdemonten (JxCat) inbestidura saioa datorren asteartea urtarrilaren 30erako deitu du Roger Torrent Parlamenteko presidenteak. Osoko bilkura 15:00etan hasiko da.
Soraya Saenz de Santamaria Espainiako Gobernuko presidenteordeak Puigdemonten inbestiduraren aurka Auzitegi Konstituzionalaren aurrean helegitea aurkezteko lehen pausoak iragarri eta ordu batzuk geroago deialdia sinatu du Torrentek.
Puigdemont presidentegai bezala astelehenean proposatu zuen Torrentek, eta izendapena Buttletí Oficial del Parlamenten (Bopc) argitaratu zuen asteartean.
JxCatek osoko bilkura urtarrilaren 31n, arratsaldean, egitea planteatu zuen, baina Torrentek ERCren proposamena defendatu eta astearterako deitzea erabaki du, epea agortu baino egun bat lehenago.
Deialdian, Generalitateko Presidentetzaren legea eta Parlamenteko Araudia jarraituz, saioko gai-zerrendak puntu bakarra duela zehaztu dute: “Carles Puigdemont Casamajo diputatuaren inbestidura bozketa eta bere programaren eztabaida”.
Helegitea
Hala ere, hautagai proposamenaren aurka Auzitegi Konstituzionalaren aurrean helegitea aurkeztea onartuko du Ministroen Kontseiluak ostiral honetan bertan.
JxCateko buruzagiaren status juridikoa Ganberan agerraldia egitearekin “baterazina” dela esan du Saenz de Santamariak; izan ere, Puigdemont Espainian sartu bezain pronto atxilotzeko agindua dute Estatuko segurtasun indarrek.
Horrela gauzak, “Torrent jaunak ezin du Puigdemont jauna hautagai bezala proposatu. Beste bat proposatu dezake”, adierazi du Espainiako Gobernuaren presidenteordeak.
Inbestidura saioa egingo balitz, Puigdemontek gehiengo absolutua beharko luke lehen bozketan presidente izendatzeko eta, beharrezko babes hori lortuko ez balu, bigarren eztabaida bat egingo litzateke, bi egun geroago; bertan gehiengo sinplea lortzearekin nahikoa luke.
ERC: “Hautestontzietan irabazten ez duena auzitegietan lortu nahi du PPk”
Carles Puigdemonti, inbestidurarako hautagai bezala, babesa berretsi dio Sergi Sabria ERCko bozeramaileak. Sabriaren ahotan, “hautestontzietan irabazten ez duena auzitegietan lortu nahi du PPk”.
Estatu Kontseiluaren txostena eta Santamariak iragarritako helegitea hizpide izan ditu Sabriak prentsaurrekoan, Parlamentean. Zentzu horretan, ERCren irizpidea aldatuko ez dutela ohartarazi du. Horren arabera, Puigdemontek “inbestidura hautagaia izateko legitimazioa du”.
Zure interesekoa izan daiteke
Aragoin parte-hartzea % 40,26koa izan da 14:00etarako
2023ko bozetan izandako datuaren oso antzekoa da, % 0,06 hazi baita. Zortzi hautagaiek eman dute botoa jada, eta denek egin dute hauteslekuetara joateko deia.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.