Beste sedizio delitu bat leporatu dio Lamela epaileak Traperori
Josep Lluis Trapero Esquadra Mossoen buruzagiari sedizio delitu berri bat egotzi dio Carmen Lamela Auzitegi Nazionaleko epaileak U-1rekin lotuta. Erreferenduma eragozten saiatzeko polizia dispositiboaren “ekintza oztopatzeko, aldez aurretik pentsatutako plan” bat izatea leporatu dio magistratuak.
Epailearen hitzetan, “independentzia egitasmo estrategikoa blokeatu zezakeen edozein ekintza oztopatu zuten mossoek urriaren 1ean”, eta horregatik gainerako polizien “ekintzak kontrolatzeko erabili zituzten mossoak”.
Helburu horrekin “aldez aurretik pentsatutako plana” diseinatu zuten, erantsi du Lamelak. “Egitasmo horren iturburua Esquadra Mossoen buruzagia zen, Josep Lluis Trapero, batzorde estrategikoaren kideekin lankidetzan”.
U-1eko 06:00ak arte mossoek “ez zuten ezer egin hauteslekuak husteko”, eta herritarrak sartzea eragozteko neurririk ez zuten hartu ordu batzuk lehenago.
“Komunikazio geldoa”
Gainera, “polizien eta buruzagien arteko komunikazio sistema bat diseinatu zuten”, Lamelak azaldu duenez. Horrela, “komunikazio geldotu zuten, poliziaren eraginkortasuna are gehiago murriztuz”, gaineratu du epaileak.
Diego Perez de los Cobos Guardia Zibileko koronelaren testigantza entzun eta delitu zantzuak ikusi ondoren, Lamelak Trapero berriro deklaratzera deitu du, lehenago kautelazko neurriekin askatasunean utzi ondoren. Ekonomia Kontseilaritzaren inguruan, irailaren 20an, gertatutakoagatik sedizioa leporatu zion epaileak Mossoen buruzagiari.
Bigarren sedizio delitua
Bigarren sedizio delitua leporatzeaz gain, erakunde kriminaleko kide izate egozteko aukera aztertzen ari da magistratua, “erakundeko kideek estrategia adostu, planifikatu eta lanak banatu” zituztela iritzita.
Epailearen ahotan, “erreferenduma egitea eta Kataluniako errepublika aldarrikatzeko helburua zuen Traperok (…) nahiz eta legetik at egiten ari zirela jakin”.
“Mossoen jokabidea ez zen bakarrik pasiboa izan; Guardia Zibilaren ekintzetan ez nahasteaz gain, guardia zibilei eraso egiten zietenean ere ez zuten lagundu”, nabarmendu du autoan.
“Zenbaitetan gainerako polizien ekintzak oztopatu zituzten mossoek, eta bestetan, errieta eta aurre egin zieten poliziei”, erantsi du epaileak.
Irailaren 20tik U-1era bitartean, Mossoen “erabateko nagikeria” bistakoa izan zela dio epaileak autoan, “proportzionaltasun, kongruentzia eta aukera printzipioen atzean ezkutaturik”.
Traperoz gain, Ferran Lopez Navarro Mossoen buruzagi berria lekuko gisa deklaratzera deitu du Lamelak ostiral honetan. Konstituzioaren 155. artikulua aplikatu ondoren, Traperoren tokia hartu zuen Lopez Navarrok.
Zure interesekoa izan daiteke
Hauteslekuak zabaldu dituzte Aragoin
Guztira 1.036 325 herritarrek dute boto eskubidea. Igande honetako hauteskundeek Aragoiko Gorteetako osaera berria zehaztuko dute.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta 1,03 milioi pertsonak dute botoa emateko eskubidea. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.