Auzipetuek 'kutxatik pasatzeko' zuten 'erraztasuna' aipatu du Alberdi abokatuak
Atzo, astelehena, hasi zen deklaratzen legez kanpoko komisioak kobratzeagatik Arabako EAJko hainbat buruzagi ohi auzipetuen aulkian eseri dituen De Miguel kasua argitara eman zuen abokatua: Ainhoa Alberdi. Auzipetuek "kutxan ordaintzea" eskatzeko zuten "erraztasuna eta arinkeria" nabarmendu zuen Alberdik epaiketan. Bati baino gehiagori "komisioren bat" eskatu izanaren beldur dela ere berretsi zuen, ez berari bakarrik.
De Miguel auzia dela eta urtarrilean Arabako Probintzia Auzitegian abiatutako epaiketan deklaratzen hasi zen atzo. 26 pertsona daude auzipetuta: Alfredo de Miguel Arabako EAJko bigarrena izandakoa eta beste beste bi buruzagi jeltzale ohi: Aitor Telleria eta Koldo Ochandiano.
2009an Fiskaltzaren aurrean salatu zuenez, 100.000 euroko legez kanpoko komisioa ordaintzera behartu nahi izan zuten, bere enpresari 2006an (Urbanorma Consulting SL) Miñaoko Teknologia Parkea handitzeko kontratu bat esleitu ziotelako. Esandakoa baieztatzeko, Alberdik grabagailua eta dokumentuak eman zizkion fiskalari.
Lehenik eta behin, Josu Izaguirre Arabako fiskal buruaren galderak erantzun zituen lekukoak. Deklarazioan argitu zuenez, 2008an, De Miguel Toki Administrazio eta Lurralde Oreka arloetako foru diputatua zela, bilera batera deitu zuen Arabako Foru Aldundiko bulego ofizialean. Han, lortutako kontratua "ez zela doan" argudiatuta, "kutxatik pasa" behar zuela esan ziola azaldu zuen.
Orduan ez ziola diru-kopururik zehaztu adierazi zuen; ondoren, berriz, 2008ko abenduaren 9an, De Miguelek Aldundiko helbide elektronikoa erabiliz mezua bidali ziola azaldu esan zuen, 100.000 euro eskatzeko, "gurea 100 eurotan utziko dugu" oharra gehituta.
Zure interesekoa izan daiteke
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.