De Miguelen sareak 'establishmentaren babespean' jarduten zuela esan du Fiskaltzak
Alfredo de Miguelen gidaritzapean aritzen omen zen ustezko ustelkeria sareak "helbide elektroniko ofizialak erabilita" eskatzen zituen legez kanpoko komisioak eta "establishment-aren babespean" jarduten zuen, Josu Izaguirre Arabako fiskalburuak gaur De Miguel auziko epaiketan nabarmendu duenez.
Urtarrilaren 8az geroztik, auziko aurretiazko eginbideak aztertzen ari dira Arabako Lurralde Auzitegian. Ustezko ustelkeria sare bat eratzea egotzita, 26 pertsona jesarri dira akusatuen aulkian, tartean Alfredo de Miguel Arabako EAJren buruzagi izandakoa, eta EAJren kide eta Eusko Jaurlaritzako goi kargudun izandako batzuk.
Gaurko saioan, Fiskaltzaren txanda izan da, eta 26 auzipetuen kontrako akusazioak berretsi ditu. Auzia 2009an abiatu zen, Ainhoa Alberdi abokatuak Fiskaltzaren aurrean aurkeztutako salaketa bat tarteko. Alberdik hainbat grabazio eta mezu elektroniko aurkeztu zituen froga gisa. Arabako Teknologia Parkea handitzeko lanak esleitzearen truke 100.000 euro eskatu omen zizkion sareak.
Fiskalaren esanetan, "Alberdiren mezu elektronikoek agerian utzi dute benetako sare baten aurrean gaudela; boterea zeukan, eta Arabako Foru Aldundiaren helbide ofizialetik bidaltzen zituen mezuak, legez kanpoko komisioak eskatuz. Lotsagabe jarduten zuten, ez modu isolatuan edo ezkutuan, establishment-aren babespean aritzen zirelako".
Defentsak epaiketa bertan behera uzteko eta grabazioak baliogabetzeko eskatu du. Horren harira, fiskalak gogorarazi du Auzitegiak 2015ean baztertu zituela eskaera horiek, eta oraingo honetan defentsak ez duela argudio berririk plazaratu gaineratu du.
Dena dela, grabazioak auzitik kenduta ere, Alberdiren testigantza eta gainerako froga guztiak geratuko liratekeela azpimarratu du.
Ainhoa Alberdi hizpide hartuta, Izaguirrek esan duenez, "ez da bulego batean azaldu eta istoriotxo bat asmatzen duen zoro bat". Izan ere, Alberdik Julian Sanchez Alegria EAEko Teknologia Parkeen Sarearen presidentearengana —auzipetuetako bat da— jo zuen gertatutakoa kontatzeko, horren arabera. Alegriak, salatu beharrean, "hainbeste ez nabarmentzeko" eskatu omen zion De Migueli.
Fiskaltzak instrukzioaren ardura izan duen epailearen "lan bikaina" goraipatu du, baita Ertzaintzaren jardun "akasgabea" ere.
Zure interesekoa izan daiteke
Epaileak Zapateroren alabak eta idazkaria inputatu ditu
Ustelkeriaren aurkako Fiskaltzak eskatuta hartu du erabakia epaileak, beren defentsarako eskubidea baliatu ahal izan dezaten.
Chivitek euskara Nafarroako berezko hizkuntza gisa aitortzea proposatu du
Nafarroako presidenteak proposamen hori defendatuko du Foru Hobekuntzaren erreforman, eta hizkuntza hezkuntzatik, aniztasunetik eta ezagutzatik lantzearen aldeko apustua egingo du, eztabaida politikotik urrun.
Trumpek akordioa sinatu du Iranekin, Versaillesera egindako bisitan
AEBko presidenteak aurreikusitakoa baino bi egun lehenago zigilatu du ituna. Iranek dio Israelek Libanoko hegoaldetik erabat erretiratzeari uko eginez gero, akordioa bertan behera geratuko litzatekeela. Akordioak, 14 puntuz osatua, 60 egun ematen dizkie aldeei beste atal batzuk negoziatzeko.
EAJk Sanchezen gaineko presioa areagotu du, eta PPk "Parlamentua isilaraztea" leporatu dio
Kongresuan egin duten Gobernuaren kontrol saiak bi gai nagusi izan ditu. Batetik, EAJk Sanchezi aurrekontu batzuk aurkezteko edo hauteskundeak deitzeko eskaria egin dio. Bestetik, PPk kritika ugari egin dizkio hauteskundeak aurreratzeko bere bozketa proposamena atzera bota ondoren.
Aske utzi dute Enrique Maya Iruñeko alkate ohiari egindako erasoarekin lotuta atxilotu duten gizona
Joan den ekainaren 9an, Iruñeko alkate ohia iraindu eta bularrean kolpatu zuten Estafeta kalean, inolako kalterik jasan gabe. Egun batzuetako ikerketaren ostean, atzo, asteartea, gizon bat atxilotu zuten autoritatearen aurkako atentatu delitu bat egotzita.
Epaileak ez dio kautelazko neurririk ezarri Zapaterori, ez baitu ihes egiteko eta frogak suntsitzeko arriskurik ikusi
Epailearen esanetan, “ez ditu ezeztatu inputazio autoan jasotako delitu zantzu arrazoizkoak”.
Pradalesek elikagaien eta energiaren BEZa jaistea eskatu dio Sanchezi, eta oposizioak erantzun falta kritikatu du
Eusko Legebiltzarrak bizimodu duina bermatzeko osoko bilkura monografikoa egin du gaur, EH Bilduk bultzatuta. Otxandianok ohartarazi du ongizaterako arrisku nagusia ez dela balizko "inbasio militar bat", etxebizitzen garestitzea eta soldata txikiak baizik, eta sektorea "desmerkantilizatzea" eskatu du.
Zapaterok deliturik egin izana ukatu du epailearen aurrean: "Egia nagusituko da, eta zalantzan daudenei konfiantza itzuliko diet"
Espainiako Gobernuko presidente ohia eraikinaren atari nagusitik sartu da, eta hiru orduz deklaratu du. Ondoren zabaldu duen oharrean, errugabea dela berretsi du: "Mingarriena da jakitea jende asko etsita senti daitekeela, nitaz esaten direnak sinesten baditu".
Albiste izango dira: Zapateroren deklarazioa Auzitegi Nazionalean, lehendakariari elkarrizketa eta Azkena Rock jaialdiaren aurkezpena
Gaurkoan Orain-en albiste izango direnen laburpena, bi hitzetan.
Pradales: “Neurri nagusia etxebizitza gizarte funtsa da, eta 2027ko aurrekontura begira neurri berriak sartuko ditugu”
Imanol Pradales lehendakariak azpimarratu du etxebizitzaren arazoa ezin dela "egun batetik bestera" konpondu, eta uste du legealdiaren bigarren erdian ereindakoaren lehendabiziko fruituak jasoko direla.