Fiskalak froga gehiago eskatu ditu; defentsak, berriz, epaiketa bertan behera uztea
'De Miguel auzia'ren makroepaiketa hasi da gaur Gasteizen, Arabako Lurralde Auzitegian. Euskal Autonomia Erkidegoan (EAE) ustezko ustelkeriagatik inoiz ikertutako sumario handiena da honakoa, eta Arabako EAJren hainbat goi-kargudun daude auzipetuta. Aurretiazko eginbideekin abiatu da epaiketa, 26 auzipetuak akusatuen aulkian zirela.
Lehen saio horretan Fiskaltzak froga eta lekuko gehiago eskatu ditu, bere akusazioei eusteko. De Miguelen defentsak, berriz, epaiketa bertan behera uztea galdegin du.
Alfredo de Miguel, Arabako EAJren 'bigarrena' izandakoa da auzipetu nagusia. Horrekin batera, honako hauek daude auzipetuta, besteak beste: Aitor Telleria eta Koldo Ochandiano Arabako EAJren kide ohiak, Gurutz Larrañaga Eusko Jaurlaritzako Kultura sailburuordea, Julian Sanchez Alegria EAEko Parke Teknologikoen Sareko presidente ohia, eta Maria Justina Angulo Zambranako alkate jeltzale izandakoa.
Epaitutako 26 pertsonak, epaiketaren lehen egunean. Argazkia: EFE
Froga berriak
Fiskaltzak Ainhoa Alberdi abokatuari emandako grabagailuaren zaintza katean lan egin zuen ertzainaren lekukotasuna eskatu du Josu Izagirre Arabako Fiskal Nagusiak. Hark azaleratu zuen kasua orain dela zortzi urte. Izan ere, De Miguelek 100.000 komisioa ordaintzea eskatu zion, Arabako Miñano Teknologia Parkearen handitzeko lanak Alberdik gidatzen zuen enpresari ematearen truke.
Horrez gain, orain ikertzen ari diren sozietate askoren sorkuntzan parte hartu zuen notarioaren testigantza ere eskatu du fiskalak. Hainbat akusaturi leporatutako legez kanpo elkartzea delitua argitzeko informazio esanguratsua eman dezakeela uste du.
Halaber, Arabako Foru Aldundiko teknikari bat ere zitatu nahi du, Zanbranan berriz kalifikatutako lur-eremu batzuen inguruan hitz egin dezan.
Fiskaltzaren arabera, 2005a baino lehen sortutako sozietate sarea zuzendu zuen De Miguelek, "norbera eta hirugarren pertsonak aberasteko irabazi ekonomikoak lortzeko". Horretarako, EAJko kide izateak ematen zizkion ardura politikoak baliatu zituela uste du.
Defentsak baliorik gabe uztea eskatu du
Alfredo de Miguelen defentsak, bere aldetik, prozedura bertan behera uztea eskatu du, De Miguelen eskubideak urratu direla arguadiatuta (intimitatea, etxebizitza ez bortxatzea eta komunikazioak sekretupean izatea, hain zuzen). Ikerketa abiatu zuen grabaketa "manipulatu" egin zutela ere defendatu du.
Defentsaren aburuz, salaketa eragin zuen audio grabazioa "manipulatu" egin zutela froga daiteke, zaintza katea "bortxatu" egin zutelako prozeduran. Beraz, froga "kutsatuta" egoteaz gain, ez duela "sinesgarritasunik" esan du.
De Miguel eta Telleria. Argazkia: EiTB
Urri amaierara arte
Aurretiazko eginbideen ostetik hasiko dira deklarazioak, baina ikusteke dago zein ordenetan egingo dituzten. Izan ere, defentsako abokatuetako batzuek euren bezeroek azkenak galdekatzea eskatuko dute.
Jaime Tapia buru dutela, Elena Caberok eta Raul Aztiriak osatuko dute epaimahaia.
12 atal edo zati
Sumario mardula denez, epaiketa 12 zatitan banatu dute. Besteak beste, 2006-2008 urteen artean Eusko Jaurlaritzako Kultura Sailean, Arabako Parke Teknologikoan eta Arabako Foru Aldundian egindako kontratazioak ikertu dituzte.
Eusko Jaurlaritza ere auzian pertsonatu da. Ez du akusatuentzat kartzela eskaerarik egin, eta kalte-ordain bateratua galdegin du.
Bestalde, De Miguelen defentsak aske uzteko eskatu du, eta "fantasiazko kontaketa sinestezina" egitea leporatu dio Fiskaltzari.
>
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.