15 aditu izango dira Legebiltzarreko memoriari eta presoei buruzko lantaldean
Eusko Legebiltzarreko Memoria eta Bizikidetza Lantaldeak gaur adostu duenez, 15 adituren testigantzak bilduko dituzte memoriari eta espetxe politikari buruzko foroan.
Orain arte terrorismoaren eta indarkeria polizialaren biktimek testigantzak jaso dituzte, baina aurrerantzean memoria eta presoen auzia izango dituzte hizpide eta horretarako hamabost aditu gonbidatzea adostu dute. Apirila eta maiatza bitartean hitz egingo dute guztiek.
Dagoeneko aditu horietako batzuen izenak jakinarazi dituzte. EH Bilduk, esaterako, bikotekidea kartzelan duen Eider Zuriarrain eta Txema Matanzas abokatua eta preso ohia gonbidatu ditu, espetxe politikari buruzko foroan euren testigantza eman dezaten.
Memoriaren fororako, berriz, Tasio Arrizabalaga Egiari Zor fundazioko kidea eta Iñaki Egaña Euskal Memoria fundazioko presidentea aukeratu ditu.
Elkarrekin Podemosek eskatuta, Joaquin Jimenez Auzitegi Goreneko magistratua, presoen eskubideetan aditua den Julian Rios eta Esther Pascual Langraitz Bidearen bultzatzailea eta justizian aditua izango dira.
Talde bakoitzak foro bakoitzeko bi pertsona proposatzea adostu badute ere, Elkarrekin Podemosek hirugarren bat izendatzea onartu dute gainerako taldeek.
Memoriaren lantalderako, ostera, Gema Varona Kriminologia Institutuko doktorea eta Jean Paul Lederach gatazken konponbidean eta bakegintza aditua den irakasle estatubatuarra aukeratu ditu talde moreak.
PSEk Mercedes Gallizo Espetxe Zuzendaritzako idazkari nagusi ohia eta Imanol Zubero senatari sozialista ohia eta Gesto por la Paz plataformaren sortzailea proposatu ditu presoen auziari eta memoriari buruzko foroetarako, hurrenez hurren.
EAJk eskatuta izango diren lau adituen izenak ez dituzte argitu, oraingoz haiekin harremanetan jarri ez direlako.
Bestalde, Ana Oregi (EAJ) Memoria eta Bizikidetza Lantaldeko presidenteak biktimen agerraldien ostean talde bakoitzak aurkeztu zituen ondorioak dokumentu batean laburbildu ditu eta gaur taldeei aurkeztu die txostena. Gai horretan akordioa bat bilatzea izango da hurrengo erronka.
Alderdi Popularrak ez du lantalde honetan parte hartzen, ETAren indarkeriari zilegitasuna kentzeko balio ez duela iritzita.
Zure interesekoa izan daiteke
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.